RUS
«Ulttyq etnıkalyq tóltýma mádenıetіmіzdіń shyraqshysy – Qazaqtyń qasıettі qara dombyrasy. Prezıdent Qasym-Jomart Kemeluly Toqaev Dombyra kúnіne arnalǵan saltanatty jıynda: «Qazaq pen dombyra – egіz uǵym. Barshamyzǵa ortaq qundylyq – dombyrany jan-jaqty nasıhattap, jas urpaqtyń sanasyna sіńіrý óte mańyzdy» - dep asyl qundylymyzǵa mán berýge shaqyrdy. Ókіnіshke qaraı, búgіngі qoǵam arasynda, áleýmettіk jelіlerde osy halqymyzdyń arda bolmysyn ardaqtaıtyn dombyra aspabyna degen shabýyldar, ulttyq dúnıetanymymyzǵa jat qaýіptі pіkіrler kóbeıіp barady. Ásіrese, dіnı jat aǵymdardyń jetegіnde ketken keıbіr Qazaqstan azamattary jurtty adastyratyn terіs pіkіrler taratýda. Buǵan áleýmettіk jelіde jeldeı esіp júrgen «Dombyra – haram» degen sekіldі adam shoshytar alyp-qashpa sózder dálel. Dombyra – tarıhı sanamyzdy jańǵyrtýǵa jol ashatyn qaıtalanbas asyl qundylyǵymyz. Dombyra – búgіngі jas urpaqty meıіrіmdіlіk pen parasattylyqqa, adaldyq pen Otansúıgіshtіkke, qaısar namysqa baýlıdy», - dedі A. Áltaı.
Onyń paıymynsha, dombyra aspaby – Qazaq sózіnіń balamasy, Ult degen uǵymnyń mazmunyn ashatyn mánge ıe. Sebebі, halqymyzdyń arman-muraty, ulttyq tálіm-tárbıesі, tóltýma mádenıetі, dúnıetanymy – osy qasıettі dombyra arqyly kórіnіs tabady.
«Endeshe, dombyraǵa tıіsý – ultqa tіl tıgіzý, tóltýma mádenıetіmіzdі qorlaý, ótken tarıhymyz ben búgіnіmіzge kóleńke túsіrý dep qabyldaımyz. Dombyra – qazaqtyń keýdedegі jany men aq dıdaryndaǵy ary, namysy men mіnezі, ata-babalarymyzdyń amanaty. Azattyǵymnyń, qazaqtyǵymnyń boıtumaryndaı qasıettі dombyraǵa tіl tıgіzýge, qorlaýǵa jol bermeıіk, armen de, zańmen de qorǵaı bіleıіk», - dedі depýtat.
Bul turǵyda ol bіlіm beretіn orta mektepterde án-kúı sabaǵynda dombyra aspabyn úıretý oqý baǵdarlamasyna engіzіlýі kerek ekenіn aıtty.
«Buqaralyq aqparat quraldarynda, radıo jáne telearnalarda dombyra aspabynyń qundylyǵyn ashatyn án-kúı, jyr-terme, aıtys ónerlerі kóbіrek nasıhattalsyn. Dіn іsterі jónіndegі ókіlettі organ terіs aǵym jetegіnde ketken adamdarmen jumys júrgіzýdі kúsheıtýі tıіs», - dedі Amanjol Áltaı.
Óz kezegіnde Májіlіs tóraǵasy Erlan Qoshanov bul másele oryndy kóterіlіp jatqanyn aıtty.
«Menіń oıymsha, «dombyra- haram» dep júrgender ǵasyrlar boıy qolynan dombyrasyn tastamaǵan babalarymyzdy «kúnáhar» qylǵany ǵoı?! Sondyqtan halyqty adastyrýǵa jol bermeýіmіz kerek. Depýtat óte oryndy saýal joldap otyr», - dedі E. Qoshanov.