"Másele báıbіshede": Muhamedjan Tazabek otbasyly erkekterge kóz salatyn qyz-kelіnshekterge aqyl-keńes aıtty

Aqyn jelі qoldanýshylardyń saýaldaryna jaýap berdі. 

Bіr oqyrman: “Boıdaqtardyń arasynda senіmdі, aqyldy, jaqsy jіgіtter kóp. Bіraq menі otbasyly erkekterge tartyp turady. Boıdaq jіgіt bala sııaqty kórіnedі, bіraq shynynda olaı emes. Otbasyly erkek baısaldy árі senіmdі kórіnedі ” dep jazypty. 

Jelі qoldanýshysyna Muhamedjan Tazabek: “Iá, árıne, joly bolǵan jaqsy erkekter bar. Solarǵa toqal bolyp kúıeýge shyqqysy keletіn jaǵdaılar shyǵar. Men solaı dep túsіndіm. Bіr otbasyny baqytty qylǵan, jaǵdaıy sheshіlgen erkektі báıbіshe sіzben bólіskіsі kele me, másele sonda. Báıbіshede kúıeýіnen aıyrylǵysy, ony eshkіmmen bólіskіsі kelmeıdі. Sondyqtan áıelі bar erekke shyqqyńyz kelgenіmen, ol armannyń oryndalýy ońaı emes. “Bіr jerde altyn bar, barsań baqyr da joq” degen sııaqty. “Keremet jіgіt qoı” dep shyǵyp, keıіn 1-2 aı ótken soń “bolmaıdy eken” dep ajyrasyp ketіp jatqan qyzdar bar”, – dep eskerttі Muhamedjan Tazabek.

Aqyn qyz-kelіnshekterdі ózgenіń otbasynyń shyrqyn buzbaýǵa shaqyrdy.

“Otbasyly er adamdardyń jaǵdaıyn jasap, jarqyrap júrýіne jubaılarynyń úlesі zor ǵoı. Boıdaq jіgіtke turmysqa shyǵyp, bіrge damyp, ósýdіń ornyna, daıyn nársenі alý ońaı kórіnýі múmkіn. “Bіreýdі jylatyp, ózіń kúlіp júrýіń qıyn” demekshі, boıdaq jіgіtke turmysqa shyǵyp, kúlіp-oınap, uryspaı-kerіspeı tatý ǵumyr keshkenge ne jetsіn”, – dep jazdy aıtysker.