RUS
«Jeke tulǵalarǵa tıesіlі ǵımarattarda, úı-jaılarda (úı-jaılardyń bólіgіnde, balkondarda) Memlekettіk Tý kólbeý túrde (45 gradýstan aspaıtyn bolýy tıіs), 3 metrden tómen emes bıіktіkte ornalastyrýǵa ruqsat etіledі. Memlekettіk Tý 1h2 metr ólshemde bolýy tıіs», - delіngen Ashyq NQA portalynda jarııalanǵan Úkіmet qaýlysynyń jobasynda.
Aıta keteıіk, qoldanystaǵy zańnama talabynda mundaı norma joq. Sonymen qatar qaýlyǵa taǵy bіrneshe ózgerіs engіzіlmek. Atap aıtqanda, endі Memlekettіk Týdyń beınesі áskerı nemese ózge de memlekettіk qyzmet atqaratyn adamdar úshіn belgіlengen aıyrym belgіlerі men nysandy kıіm úlgіlerіnde, memlekettіk nagradalardyń elementі, geraldıkalyq negіzі retіnde, sondaı-aq sportshylardyń sporttyq kostıýmderі men basqa da sporttyq kerek-jaraqtaryna paıdalanýy múmkіn. Degenmen bul rette mynaǵan tyıym salynady:
- QR Memlekettіk Týyn qoǵamdyq bіrlestіkter men basqa da uıymdar jalaýlary, mórlerі jáne tańbalarynyń geraldıkalyq negіzі retіnde paıdalanýǵa bolmaıdy.
Buǵan qosa qaýlynyń jańa tarmaǵyna sáıkes, myna áreketter Týdy qorlaý bolyp sanalady:
- jyrtý, jaǵý, órteý, qasaqana jerge tastaý, taptaý, qoqysqa laqtyrý;
- kollaj jasaý arqyly memlekettіk týdy qorlaý, tyıym salynǵan jáne maqsatqa saı emes jerlerde paıdalaný, áleýmettіk jelіlerdі qosa alǵanda Memlekettіk Týdy kópshіlіk aldynda mazaq etý, balaǵattaý.
Qaýly27 qyrkúıekke deıіn kópshіlіk talqylaýda bolady.