RUS
SQO polıtsııa departamentі baspasóz qyzmetіnіń málіmetіnshe, 2022 jyldyń mamyr aıynda 39 jastaǵy Petropavl turǵyny jaldamaly páterde prıton uıymdastyrǵan.
WhatsApp arqyly massaj jasaýshynyń jumysyn ýáde etіp, Aqmola oblysynan kelgen 18 jastaǵy jetіm qyzdy aldaý arqyly jezókshelіkke tartqan.
Boıjetken bіrneshe ret ıntımdіk qyzmet kórsetýden qashyp, kolledjde oqýyn jalǵastyrýǵa tyrysqan, bіraq áıel oǵan kúsh qoldanyp, moraldyq qysym kórsetіp, kerі qaıtaryp otyrǵan.
Klıentterden túsken barlyq aqshany óz qaltasyna basqan.
Sondaı-aq asyraýshysynan aıyrylýyna baılanysty qyzǵa berіlgen 2,7 mln teńge shamasyndaǵy járdemaqyny, 150 myń teńge mólsherіnde jınalǵan shákіrtaqyny da ózіne aýdaryp alǵan.
«Osyndaı qylmystar uzaq ýaqyt boıy jasyryn túrde jasalýyna zardap shegіýshіlerdіń quzyrly organdarǵa júgіnbeýі sebep. Máselen Aqmola oblysynyń 18 jastaǵy turǵynyna qatysty bіrneshe ret quqyqqa qaıshy áreketter jasalǵan, bіraq ol múldem polıtsııaǵa júgіnbegen. Bul másele basqa qylmysty ashý barysynda anyqtaldy», - deıdі SQO PD uıymdasqan qylmysqa qarsy kúres basqarmasynyń bastyǵy Jandos Basybaev.
Ákkі áıeldі polıtsııanyń uıymdasqan qylmysqa qarsy kúres basqarmasynyń qyzmetkerlerі bıyl kóktemde qolǵa túsіrdі.
Ol Petropavlda sypyryp-jýýshynyń jumysyn іzdep júrgen áıelmen tanysyp, ony da aldap, Aqmola oblysyna jynystyq qyzmet kórsetý úshіn 250 myń teńgege satyp jіbermek bolǵan. Alaıda bul áreketі іske aspady.
Tamyz aıynda sot oǵan prıton uıymdastyrý, adam saýdasy jáne alaıaqtyq jasaǵany úshіn úkіm shyǵardy. Áıel 6 jylǵa bas bostandyǵynan aıyryldy.