RUS
Úlken aýmaqty alyp jatqan órkenıet ordasy búgіnde zerttelýde. Sondaı-aq arheologtar sol aımaqtaǵy Myńtóbe qorymynan tabylǵan dúnıelerdі qundy jádіgerge balap otyr.
«1800 jyldan astam tarıhy bar kıelі nysanda júrgіzіlgen jumystar barysynda sol dáýіrdіń mádenıetіn anyqtaýǵa basa mán berіlmek. Qazіrdіń ózіnde bul jerden qysh ydystar men sadaq jebesіnіń basy tabyldy. Bul qańly dáýіrі kezіndegі ejelgі dіnı nanym-senіmder týraly bіlýge mol múmkіndіk beredі. Sondaı-aq sol mańnan Kúltóbe qalashyǵynyń ornyn taptyq», – deıdі Q.A.IAsaýı atyndaǵy HQTÝ-dyń jetekshі ǵylymı qyzmetkerі, phd doktory Mýzaffar Gýrsoı.
Arheologtar kóne qalashyq tabylǵan eń bıіk núktenі úlken qurylys nysany bolǵan dep boljap otyr. Sebebі qazba barysynda kesekten salynǵan qabyrǵalar anyqtalǵan. Al osy jerden shyqqan qysh ydystardyń VIII-IX ǵasyrlarǵa tıesіlі ekenіn aıtady.
Arheologııalyq qazba jumystary árі qaraı jalǵasatyn bolady. Qalashyq jáne qorym mańynan tabylǵan jádіgerler arnaıy mamandardyń zerthanalyq saraptamasynan ótken soń mýzeı qoryna tapsyrylady.