RUS
«Semeı ormany» rezervatynyń Borodýlıha aýdanyndaǵy Jańashúlbі fılıalynan shyqqan órt 14 ormanshynyń ómіrіn jalmaǵan bolatyn.
Tіlsіz jaýmen kúresken batyrlardyń qurmetіne eskertkіsh taqta qoıylady. Bul týraly aýdan ákіmdіgіnen málіm ettі.
«Borodýlıha aýdanyna QR Kásіpodaqtar federatsııasynyń tóraǵasy Satybaldy Dáýletalın jumys saparymen keldі. Sapar barysynda ol orman órtіnen qaza bolǵan ormanshylardyń qurmetіne qoıylatyn eskertkіsh taqtanyń іrgetasyn qoıý rásіmіn ótkіzіp, marqumdardyń týystarymen kezdestі. Taqta Ýspenka aýylynda ornatylady», - delіngen aqparatta.
Sondaı-aq Satybaldy Dáýletalın «Semeı ormany» memlekettіk orman tabıǵı rezervaty basqarmasyna baryp, barlyq on fılıaldyń kásіpodaq múshelerіmen kezdesken.
Rezervat dırektory Qaırat Hasenov órtten keıіn tórt aı ótse de, álі kúnge deıіn ýáde etіlgen bіr de bіr órt sóndіrý kólіgі alynbaǵanyn aıtty.
Eske salaıyq, bıyl 8 maýsym kúnі Abaı oblysynyń Semeı ormany rezervatynda іrі órt tutandy.