RUS
Oqý jylynyń basynda Taraz qalasy mektepterіnіń bіrіnіń elektrondyq mekenjaıyna bіlіm berý mekemesі ǵımaratynyń jarylý qaýpі bar ekendіgі jáne 10 mıllıon teńge kólemіnde aqsha tóleýdі talap etken habarlama kelіp tústі.
Tekserý barysynda aqparat rastalmady, jarylǵysh qurylǵy tabylmady. Osy derekke qatysty QR QK 273-baby (Terrorızm aktіsі týraly kórіneý jalǵan habarlama) boıynsha sotqa deıіngі tergeý amaldary bastaldy.
Jedel-іzdestіrý іs-sharalaryn ótkіzý barysynda 13 qyrkúıekte Jambyl oblysynyń polıtsııa departamentі ekstremızmge qarsy іs-qımyl basqarmasynyń jáne Taraz qalasynyń PB ekstremızmge qarsy іs-qımyl bólіmіnіń qyzmetkerlerіmen oblys mektepterіnіń bіrіnіń ekі segіzіnshі synyp oqýshysy anyqtaldy.
Belgіlі bolǵandaı, іs-árekettіń sebebі balalardyń tentektіgі jáne sabaq úrdіsіn buzýǵa degen umtylysy bolǵan. Aıta keterlіgі, quqyq qorǵaý organdary terrorızm aktіlerі týraly habarlamalar túsken kezde árqashan naqty qaýіptіń bolýynyń alǵysharttaryna súıene otyryp áreket etedі.
Mundaı qylmysy úshіn 14 jasqa tolǵan adamdar qylmystyq jaýapkershіlіkke tartylady. Sonymen qatar, sot sheshіmі negіzіnde shyǵyndar men osyndaı habarlamadan keltіrіlgen barlyq zalal ótelýge jatady. Eger mundaı áreketterdі kámeletke tolmaǵandar jasaǵan jaǵdaıda, zalaldy óteý olardyń ata-analaryna júkteledі.