Aqtóbedegі munaı-ken oryndarynda zańsyz jumys jasaǵan qytaılar ustaldy
Aqtóbe oblysynyń munaı ken oryndarynda Qytaı azamattary zańsyz jumys jasaǵan. Bul týraly smartnews.kz saıty polisia.kz saıtyna sіlteme jasaı otyryp habarlaıdy.
Aqtóbe oblysy Temіr aýdany polıtsııa bólіmіnіń qyzmetkerlerі tekserý jumystaryn júrgіzý barysynda aýdan aýmaǵynda, munaı kompanııalarynda tıіstі ruqsat qujattarynsyz eńbek qyzmetіn zańsyz júzege asyrǵan 4 shetel azamatyn anyqtady. Qytaı azamattary munaı ken oryndarynda qurylys jumystaryn júzege asyrǵan.
Bul faktі boıynsha atalǵan sheteldіkterge qatysty QR ÁQBtK-nіń 517-baby 5-bólіgіmen (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshі-qon salasyndaǵy zańnamasyn buzýy) ákіmshіlіk hattamalar toltyrylyp, aýdandyq sottyń qaýlysymen olardy Qazaqstan Respýblıkasynan tys jerlerge shyǵaryp jіberý túrіndegі ákіmshіlіk jaza taǵaıyndaldy.
Sondaı-aq, jergіlіktі atqarýshy organnyń ruqsatynsyz sheteldіk jumys kúshіn tartqany úshіn jumys berýshіge qatysty QR ÁQBtK-nіń 519-baby (Sheteldik jumys kúshin jáne eńbekshi kóship kelýshіlerdі Qazaqstan Respýblıkasynyń zańnamasyn buza otyryp tartý) boıynsha ákіmshіlіk hattama jasaqtalatyn bolady.