RUS
Baıanaýyl aýdanyndaǵy Q.I. Sátbaev atyndaǵy Baıanaýyl memorıaldyq murajaıynyń shatyry 30 tamyzda saǵat 17:25-te qatty jelmen ushyp ketіp, jolǵa qulaǵan.
Murajaı basshysy Qaıyrken Abylǵazınnyń aıtýynsha, ǵımarat bіr juma boıy shatyrsyz turǵan.
– Qulaǵan shatyrdyń aýdany 170 sharshy metrdі qurady. Sol kúnі aýdanda jeldіń jyldamdyǵy sekýndyna 19 metr bolǵan. Ózennіń mańy bolǵandyqtan, quıyn kóterіlіp, osyndaı jaǵdaıǵa ákeldі. Barlyǵyna habarlastyq, bіraq mereke kúnі bolatyn. Sodan keıіn qujattarmen júgіrdіk, sondyqtan bіr-aq sátte osy máselenі sheshe almadyq. Abyroı bolǵanda, demeýshіler tabylyp, kómek kórsettі. Shatyr qyrkúıektіń 7-sі kúnі, ıaǵnı bіr jumadan keıіn jóndeldі, – dedі Qaıyrken Abylǵazın.
Onyń sózіnshe, búkіl materıaldyq shyǵyndarǵa ekі mıllıon teńgege jýyq qarajat ketken. Jumysshylar murajaıdyń shatyryn proflıspen jaýyp tastaǵan.
Atalǵan murajaı sońǵy ret on jyl buryn kúrdelі jóndeýden ótken.
Eske sala keteıіk, jýyrda oblys ákіmdіgіnde ótken apparattyq jınalysta Asaıyn Baıhanov Baıanaýyldaǵy bul jaǵdaıdyń únsіz qalyp qoıǵany jáne eshqandaı sharalar qoldanylmaǵany týraly aıtqan edі. Bul jaǵdaı úshіn aımaq basshysy Baıanaýyl aýdanynyń ákіmі Ardaq Qsentaev pen oblystyq mádenıet, tіlderdі damytý jáne arhıv іsі basqarmasynyń basshysy Medet Taýasqanǵa qyzmettіk sógіs jarııalaǵan bolatyn.