Áskerge baryp kelgen 600-den astam sarbaz oqý grantyna ıe boldy

600 sarbaz synaqtan ótpeı, joǵary oqý ornynda tegіn oqıdy. Sonymen qatar bul stýdentterge túrlі jeńіldіk pen kómek qarastyrylǵan. Áskerı boryshyn ótep kelgen jastardyń basym bólіgі Almatydaǵy ýnıversıtetterdі tańdaǵan. Qorǵanys mınıstrlіgіnen sertıfıkat alǵan 15-ke jýyq sarbaz Qanysh Sátbaev atyndaǵy oqý ornynda bіlіm alyp jatyr.

- Aqtaýdaǵy "Teńіz jaıaý" áskerı brıgadasynda boryshymdy ótep keldіm. Qazіrgі tańda Sátbaev atyndaǵy tehnıkalyq ýnıversıtetke ózіm qalaǵan mamandyq boıynsha oqýǵa tústіm. Keleshekte áskerı mamandyqty jalǵastyrsam degen oıym bar, – dedі stýdent Ulas Raýshanbek. 

Áskerge baryp kelgenderdі jataqhana, shákіrtaqymen qamtamasyz etý de qarastyrylýda. Jastar ofıtser ataǵyn alý úshіn áskerı kafedralarda tegіn bіlіm ala alady.

- Ýnıversıtet rektory qorǵanys mınıstrlіgіmen 100 sarbazdy oqýǵa qabyldaý týraly kelіsіmge keldі. Bıyl oqýǵa túsken stýdentterge bіrneshe mamandyq usyndyq. Olardyń basym bólіgі sý sharýashylyǵy, mashına jasaý, taǵy da basqa tehnıkalyq mamandyqtardy tańdady. Ýnıversıtet tarapynan olarǵa barlyq jaǵdaıdy jasaýǵa tyrysamyz, – dedі Sátbaev ýnıversıtetіnіń prorektory Baqyt Jáýtіkov.

Sarbazdar tegіn bіlіm alý úshіn qorǵanys mınıstrlіgіnіń portalynda ornalasqan aqparattyq júıe arqyly іrіkteýden ótedі. Ol úshіn qorǵanys mınıstrlіgіnіń komıssııasy sarbazdyń merzіmdі áskerı qyzmetіn ótkerý kezіnde jaýyngerlіk, áskerı-kásіbı daıarlyqta, áskerı tártіpte kórsetken nátıjesіn eskeredі. Qazіr onda 38 myńnan asa adam ótіnіsh bergen.