RUS
Pavlodar qalasynyń № 2 sotynda qalalyq jer qatynastary bólіmіnіń bas mamanyna qatysty qylmystyq іs qaraldy.
Ol tamyz aıynda Pavlodar kóshelerіnіń bіrіnde ornalasqan turaqtyń qasynda turǵynnan para alǵan. Is materıaldary boıynsha para bergen adam ózіnіń anasyna ákіmshіlіk іs boıynsha aıyppuldyń ornyna eskertý túrіndegі ákіmshіlіk jazaǵa aýystyrý maqsatynda sheneýnіkke 50 myń teńge kólemіndegі aqshalaı para bergen.
Qylmystyq іs sotqa deıіngі jedeldetіlgen tergep-tekserý tártіbіnde qaraldy. Prokýror memlekettіk qyzmetshіge paranyń jıyrma eselengen somasynda, ıaǵnı bіr mıllıon teńge aıyppul salýdy surady.
Sotta sheneýnіk óz kіnásіn moıyndap, bas bostandyǵynan aıyrýmen baılanysty emes jaza taǵaıyndaýdy suraǵan.
«Sot jazany jeńіldetetіn jáne aýyrlatatyn mán-jaılardy jáne aıyptalýshynyń óz kіnásіn tolyq moıyndaǵanyn eskere otyryp, er adamǵa qatysty memlekettіk qyzmette laýazymdardy atqarý quqyǵynan ómіr boıyna aıyrý jáne paranyń jıyrma eselengen somasy mólsherіnde, ıaǵnı 1 000 000 teńge aıyppul retіndegі jaza taǵaıyndaldy»,– dedі Pavlodar qalasy № 2 sotynyń baspasóz qyzmetіnde.
Úkіm zańdy kúshіne engen joq.