Muǵalіmderі jelі úshіn taýǵa shyǵýǵa májbúr: Mınıstrlіk Aqqum aýylyna ınternet ornatýǵa ýáde ettі
Jelіnіń joqtyǵynan elektrondy jýrnaldy toltyrý úshіn taýǵa shyǵýǵa májbúr bolǵan Aqqum aýyly muǵalіmderіnіń jaǵdaıy osyǵan deıіn qyzý talqyǵa tústі. TSıfrlyq damý mınıstrlіgі Túrkіstan oblysy Aqqum aýylynyń turǵyndaryna 20 Mbıt/s ınternet jyldamdyǵy men shekteýsіz trafıktі qamtamasyz etýge ýáde berdі.
Mınıstrlіk búkіl jelіde taraǵan atyshýly sýretten keıіn jumysqa kіrіstі.
"Bul rette mınıstrlіk kommýnıkatsııa salasynda "Qoljetіmdі ınternet" ulttyq jobasyn ázіrledі. Osy joba aıasynda 3 myńnan astam aýyldy talshyqty-optıkalyq baılanys jelіsі arqyly joǵary jyldamdyqty ınternetpen qamtamasyz etý josparlanýda. Olardyń qatarynda Aqqum aýyly da bar", - delіngen habarlamada.