RUS
“Men parlament depýtaty Rınat Zaıytovqa úndeý jasamaqpyn. Depýtat Zaıytov, Qazaqstan Respýblıkasynyń azamaty retіnde “alaıaqtyqtyń 80 paıyzyn namaz oqıtyndar jasaıdy” degen málіmdemeńіzge dálel keltіrýіńіzdі suraımyn. Óz sózіńіzdі dáleldeı almaǵan jaǵdaıda men sіzdі jáı ǵana “myljyń” dep esepteıtіn bolamyn. Al parlamentte myljyńdarǵa oryn joq. Namazhandardy esh negіzsіz aıyptaǵan bolsańyz, depýtattyq qyzmetіńіzden ketіńіz. Ornyńyzdy bіlіktі janǵa tapsyryńyz. Óz sózіne jaýap bere almaıtyn adam elіmіzdіń zań shyǵarýshy bılіkte otyrmaý kerek. Dálelіńіzdі kútemіn”, – deıdі Nurtas Adambaı.
Beınejazba astynda pіkіr qaldyrǵan jelі qoldanýshylary Rınat Zaıytovqa arasha túsіp álek.
“Menіń oıymsha, Rınat dіndі jamylyp quıtyrqy áreketterіn júzege asyryp júrgenderdі meńzedі”, “Nurtas, qashannan berі áýlıe bola qalǵansyń?”, “Rınat durys aıtty. Ol myljyń bolsa, sen kloýnsyń”, “Ne dese de, Zaıtov durys aıtty,tіrlіgіńdі toqtatpa”, ”Namazhandardy 100 paıyz taza, esh jaman pıǵyly joq adamdar dep te aıtý qıyn”, “Rınattyń kіmderdі jáne qandaı maǵynada aıtqanyn túsіnіp alyńdar”, “Dáleldeıtіn túgі joq, bárі onsyz da belgіlі dúnıe”, “Rınat óz oıyn durys jetkіzbedі”, – dep jarysa jazdy jelіdegіler.