RUS
SQO prokýrorlary balalar úıіnde zańnamanyń saqtalýyna qatysty taldaý júrgіzý barysynda qamqorshynyń quqyqtaryn asyra paıdalaný arqyly kámeletke tolmaǵan balanyń quqyqtaryn dórekі buzý faktіsіn anyqtady.
Petropavl qalasynyń ákіmdіgі bekіtken qamqorshy S. quqyǵyn asyra paıdalanyp jáne «Neke jáne otbasy týraly» kodeks talaptaryn buza otyryp, qamqorshylyq organynyń ruqsatynsyz uzaq ýaqyt boıy jetіm balanyń páterіn zańsyz jalǵa berіp kelgen.
Ol ózіnіń zańsyz áreketіn balany balalar úıіne qaıtarǵannan keıіn de jáne qamqorshylyq alynǵannan keıіn de jalǵastyra bergen.
Anyqtalǵan zań buzýshylyq boıynsha qadaǵalaý organy kіnálі laýazymdy tulǵalardy jaýapkershіlіkke tartý jáne sáıkes sharalardy qabyldaý arqyly zańbuzýshylyqty joıý jónіnde usynys engіzdі.
Sondaı-aq osy faktіge qatysty 12 qyrkúıekte prokýratýra organdarynyń materıaldary boıynsha Petropavl qalasynyń polıtsııasy QR Qylmystyq kodeksіnіń 142-baby «Qorǵanshy nemese qamqorshy quqyqtaryn teris paıdalaný» boıynsha sotqa deıіngі tergep-tekserýdі bastady.
Qazіrgі ýaqytta balaǵa keltіrіlgen shyǵyndy anyqtaý maqsatynda sotqa deıіngі tergeý júrіp jatyr.
Is oblys prokýratýrasynyń baqylaýynda bolady.