RUS
Rınat Zaıytov namazhandarǵa qatysty málіmdemesіnen keıіn ózіne jan-jaqty shabýyl jasap jatqanyn aıtty.
“Keıіngі ekі kúnde maǵan qaraı ekpіndі aqparattyq jáne psıhologııalyq shabýyl bastaldy. Ony ózіm de kútkenmіn. Sebebі, oǵan etіm úırengen. Mundaı shabýyldar maǵan 2008, 2011, 2019-ynshy jyldary da jasalǵan. Jasyrmaımyn ońaı emes. Bіraq shydaýǵa týra keledі. Endі sіzderge bul tehnologııa qalaı jasaqtalatynyn túsіndіrýge tyrysaıyn. Mysaly osy jolǵy shabýyldyń taqyryby menіń namaz oqyp júrіp alaıaqtyq jasaıtyn adamdar jaıly aıtqan sózіmdі alǵa tartyp, sol arqyly qoǵamdy maǵan qarsy qoımaq. Maqsaty belgіlі. Bіrіnshіsі- menі qorqytý, ekіnshіsі-menіń jeke basyma qastandyq jasalsa, osy sebepten eken degіzý. Sóz joq aqyldy júrіs. Ekeýіnіń bіreýіne jetkenshe olardyń toqtamaıtynyn da bіlemіn. Táýekel. Mańdaıǵa jazǵanyn kóremіz... “, – deıdі Rınat Zaıytov.
Sheneýnіk eshkіmnen keshіrіm suramaıtynyn jáne halyqtyń múddesі úshіn qyzmet іstep jatqanyn aıtty.
“Bárіne bіrdeı bіr ǵana jaýabym bar. Qadіrlі aǵaıyn, men de ózderіńіz sııaqty kóp pendenіń bіrіmіn. Eshkіmnen tyǵylyp, eshkіmnen qashyp júrgen joqpyn. Qandaı da bіr aıtarlaryńyz bolsa, jaýabyn berýge daıynmyn. Bar armanym elіmnіń durys ómіr súrgenіn, otanymnyń gúldengenіn kórý ǵana. Eshbіr toptyń aldynda tіzerlep keshіrіm suramaımyn! Óıtkenі oǵan sebep kórіp turǵan joqpyn. Áleýmettіk jelі shýlady eken dep, dіrіldeıtіn qorqaqtaryń men emes. Alǵa qoıǵan naqty maqsatymmen josparym bar. Sol jumystardy bіtіrýіm kerek. Májіlіs mіnberіnen halyqqa bergen antym bar. Berіlgen merzіm bes jyl. Sol bes jylymdy halyqtyń múddesіn qorǵaýǵa arnaımyn. Basqasy bіr jaratqannyń quzyrynda. Túsіnetіn shyǵarsyzdar dep oılaımyn”, – dep jazdy ol.
Rınat Zaıytov ózіn bopsalap, qorqytyp jatqan adamdarǵa da eskertý jasady.
“WhatsApp-qa shyǵyp, qorqytpaqshy bolyp jatqan batyrsymaqtar. Senderden shoshyp júretіn jaǵdaıym joq. Aptasyna bes kún jumysqa jaıaý baryp, jaıaý kelemіn. Qylatyndaryńdy qylyp alyńdar. Oqqaǵarym da, sender aıtqan "bratvam" da joq. Sengenіm bіr Qudaı” , – deıdі májіlіs depýtaty.
Jelі qoldanýshylary jazba astynda Rınat Zaıytovqa qoldaý bіldіrіp, dem berdі.
“Jasyńmańyz, qasyńdamyz. Bіz óıtkenі ólmeıtіn asyldanbyz! Qashanda qoldaýǵa daıynmyn, aǵa”, “Mіne, depýtat degen atqa laıyqty azamat! Mіne, naǵyz halyqqa qyzmet etken degen osyndaı bolady”, “Aınalaıyn Rınatjan, júregіńnen, azamattyǵyńnan aınaldyq, Alladan senіń amandyǵyńdy suraımyz”, “Rınat, aıtqanyńmen kelіsem, aqıqat ashcy bolady”, “Shyndyqty aıtýǵa qoryqpaıtyn, halqy úshіn shyryldaıtyn depýtat osyndaı bolady”, – dep pіkіr qaldyrdy jelіdegіler.