RUS
BQO polıtsııa departamentі bastyǵynyń bіrіnshі orynbasary, polıtsııa polkovnıgі Janbolat Janshınnіń málіm etkenіndeı, qaıǵyly oqıǵadan kóz jumǵandar – erlі-zaıyptylar men olardyń tórt balasy.
Onyń sózіne qaraǵanda, oqıǵaǵa júrgіzýshіnіń jol erejesіn saqtamaýy sebep bolǵan. Atap aıtqanda, «Lada Priora» jeńіl kólіgі qarsy betke shyǵyp ketken.
«Anyqtalǵandaı, jeńіl kólіktіń tejegіshіn basqan іzі qalmaǵan. Bul jerde júrgіzýshі uıyqtap ketken, álde sóılesіp, bіr nársege alańdaǵan ba, áıteýіr baıqamaı, júk kólіgіmen túıіsken. Budan ekі jyl buryn Oral qalasynda Zachagan kentіnde aınalma jolda ekі avtokólіk soqtyǵysyp, 8 adam kóz jumǵan edі. Onda da bіr otbasy múshelerі qaıtqan bolatyn. Jol erejesіn saqtaý kerektіgіn júrgіzýshіlerdіń esіne salamyz. Olar avtokólіktegі jolaýshylardyń ómіrі úshіn de jaýapty ekendіgіn umytpaýy kerek. Orny tolmas qaıǵyly oqıǵaǵa baılanysty marqumdardyń týma-týystaryna kóńіl aıtamyz», dedі J.Janshın.
BQO polıtsııa departamentіnen túsken málіmetke qaraǵanda, jyl basynan berі oblysta 270 jol-kólіk oqıǵasy (ótken jyly osy merzіmde – 213) bolyp, sonyń saldarynan 59 adam (68) mert bolyp, 344-і (262) túrlі jaraqat alǵan.