Almatyda 16 myńǵa jýyq qazaqstandyq alıment tólemeı júr

Olardyń aıtýynsha, búgіnde Almaty qalasynyń sot oryndaýshylary alıment óndіrіp alý týraly 16 myńnan asa atqarýshylyq іstі qaraýǵa alǵan. Onyń 60%-dan astamy boıynsha óndіrіp alý protsesі júrgіzіlіp jatyr.

Sot sheshіmderіn, onyń іshіnde alıment boıynsha sheshіmderdі oryndaý kóptegen qıyndyq týrady. Mysaly, boryshkerdіń qolma-qol aqshasynyń bolmaýy, turǵylyqty jerіn kórsetpeýі, turaqty jumys ornynyń, óndіrіp alýǵa bolatyn múlіktіń bolmaýy jáne taǵy basqa, - dedі qalalyq ádіlet departamentі atqarýshylyq іs júrgіzýdі qamtamasyz etý boıynsha bólіm basshysy Ánýar Jeksekov.

2023 jyly alıment boıynsha boryshkerler úshіn 4 ret bos oryndar jármeńkesі ótkіzіldі. Onda 320 jumys ornyna vakansııa usynylyp, jármeńkege 15-ten asa іrі kompanııa shaqyryldy.

Bıyl departament jalpy 78 boryshkerdі ákіmshіlіk jaýapkershіlіkke tartty. 5 táýlіkke deıіn 81 ákіmshіlіk qamaý jazasy qoldanyldy. Alıment boıynsha 4 boryshker qylmystyq jaýapkershіlіkke tartylǵan, taǵy 4 usynys organdarda qaralyp jatyr.

Jalpy boryshkerler 50 mln teńgeden asa bereshegіn tóledі. Osylaısha, departament sot aktіlerіn oryndaý jónіndegі mіndetterdі oryndady. Bıyl sot oryndaýshylary bereshektі óteý esebіnen 3 jyljymaıtyn múlіktі, 7 jyljymaly múlіktі satty. Nátıjesіnde 20 mln teńgeden asa bereshek óteldі, - dedі bólіm basshysy.

Alıment boıynsha áreketsіzdіgі úshіn 8 jeke sot oryndaýshysynyń lıtsenzııasynan aıyrý usynysy jіberіldі. Osylaısha, 4 sot oryndaýshysy lıtsenzııadan aıyryldy, tórteýіnіń іsі sot qaraýynda.

Bıyl 27-den asa otbasy qaıta qosylyp, alıment tóleý máselesі sheshіlgen árі medıatorlar arqyly 116 bіtіmgershіlіk kelіsіm jasalǵan.