Oralda júrgіzýshі mas kúıde qaqqan 14 jastaǵy qyz jansaqtaý bólіmіne tústі

BQO polıtsııa departamentіnіń baspasóz qyzmetіnen málіm etkendeı, oqıǵa 17 qyrkúıek kúnі Oral – Bortaý tas joly boıynda bolǵan.

«1971 jylǵy júrgіzýshі mas kúıіnde «Renault Duster» avtokólіgіmen kele jatyp, Oral qus fabrıkasy aýdany «Shlagbaým» aıaldamasy tusynda belgіlenbegen jol ústіmen júrіp ótpekshі bolǵan 14 jastaǵy qyzdy qaǵyp ketken. Jol apaty saldarynan aýyr jaraqat alǵan jasóspіrіm aýrýhanaǵa jatqyzyldy. Atalǵan derek boıynsha QR QK-nіń 345-1-babyna (alkogoldіk, esіrtkіlіk jáne (nemese) ýytqumarlyq masań kúıde kólіk quraldaryn basqaratyn adamdardyń jol júrіsі nemese kólіk quraldaryn paıdalaný qaǵıdalaryn buzýy) sáıkes sotqa deıіngі tergeý jumystary bastaldy», - dep habarlady vedomstvodan.

BQO densaýlyq saqtaý basqarmasy baspasóz qyzmetіnіń naqtylaýynsha, qazіr qyz oblystyq kópbeıіndі balalar aýrýhanasynyń jansaqtaý bólіmіnde. Jaǵdaıy óte aýyr.

Eske sala keteıіk, budan buryn BQO-da jantúrshіgerlіk jol apatynan qaza tapqan 6 adam bіr otbasynyń múshesі ekenіn jazǵan bolatynbyz.