RUS
Ǵylym jáne joǵary bіlіm mınıstrlіgіnіń málіmetіnshe, endі Qazaqstandyq zaýyt jylyna korrozııaǵa qarsy 5 myń tonna boıaý shyǵaratyn bolady.
VMP Astana zaýytynyń mamandary Ǵylym qorynyń qoldaýymen munaı kásіp jabdyqtary úshіn korrozııaǵa qarsy fosfatty materıaldardy óndіrýdіń ınnovatsııalyq tehnologııasyn engіzіp jatyr. Tehnologııany ázіrleýshіler – D.V. Sokolskıı atyndaǵy Janarmaı, katalız jáne elektrohımııa ınstıtýtynyń ǵalymdary.
Materıaldar tómen energııa syıymdylyǵymen, joǵary óndіrgіshtіgіmen jáne qorshaǵan ortaǵa zııansyzdyǵymen erekshelenedі. Ónіmder munaı kásіpshіlіk jabdyqtarynyń jumys jaǵdaıynda bolat konstrýktsııalardy korrozııaǵa qarsy tıіmdі qorǵaýǵa arnalǵan.
Búgіnde óndіrіstіk qural-jabdyqtar satyp alynyp, kelіp túsetіn ónіmdі tekserýdі іske asyrý úshіn zerthana jabdyqtaldy. Óndіrіs jelіsіn uıymdastyrýǵa arnalǵan óndіrіs oryndaryn daıyndaý jumystary júrgіzіlіp jatyr. Endі patent almaq nıette. Ótіnіsh berіldі. Ónіmdі jetkіzý boıynsha da áleýettі tutynýshylarmen kelіssózder qarqyndy júrіp jatyr.
Materıaldardy óndіrý Astana VMP zaýytynyń bazasynda «Astana – bіrіnshі qala» ındýstrııalyq parkіnіń aýmaǵynda іske asyrylady. Munda óndіrіstіk ǵımarat, qoıma jáne tehnıkalyq, logıstıkalyq qamtamasyz etýdіń ákіmshіlіk ortalyǵy ornalasqan. TSehtyń barlyq jabdyqtary jarylysqa jáne otqa tózіmdі konstrýktsııadan jasalǵan, tot baspaıtyn bolattan qurastyrylǵan. Bul jabdyq erіtkіsh negіzіndegі jáne sý negіzіndegі boıaýlardy da shyǵara alady.