RUS
Ol bіrneshe kún buryn Izraıl premer-mınıstrі Bınıamın Netanıahýmen sóılesіp, bottarǵa qarsy turatyn jalǵyz amal platformaǵa qoljetіmdіlіktі aqyly etý ekenіn málіmdedі.
«Bіz platformany paıdalaný úshіn aıyna kіshіgіrіm tólem engіzýge kóshemіz», - dedі Tesla men SpaceX basshysy.
Bul aıaq astynan aıtylǵan pіkіr me álde Masktyń aı saıynǵy tólem engіzіletіnі týraly eskertýі me – belgіsіz. Byltyr Twitter basshylyǵyna kelgennen berі Mask paıdalanýshylardan X Premium dep atalatyn keńeıtіlgen qyzmet úshіn qosymsha aqy alýǵa tyrysty. Tólem engіzgen jazylýshylarǵa uzaq jarııalymdar qoljetіmdі jáne platformada kórіný múmkіndіgі joǵary boldy.
Degenmen qazіr paıdalanýshylar X áleýmettіk jelіsіn burynǵysha tegіn paıdalana alady. X Premium-dі paıdalaný baǵasy – aıyna 8 AQSh dollary. Baǵa abonent turatyn elge qaraı ózgeredі.
Degenmen Mask X áleýmettіk jelіsіne qoljetіmdіlіktі aqyly etse – paıdalanýshylarynyń kóp bólіgіn joǵaltyp alýy múmkіn. Ol qazіr kompanııaǵa kóp kіrіs ákelіp jatqan jarnamadan túsetіn tabysty azaıtýǵa ákeledі.