RUS
Armenııa úkіmetіnіń ǵımaratyna jınalǵandar eldіń premer-mınıstrі Nıkol Pashınıandy Taýly Qarabataǵy jaǵdaı úshіn aıyptady. Olar "Nıkol - satqyn" dep urandatty.
Narazylyq aktsııasyna qatysýshylar bılіkten Taýly Qarabaqtyń armıan halqyn qorǵaýdy jáne Ázіrbaıjandy bombalaýdy talap etedі.
Turǵyndar men polıtsııa arasynda qaqtyǵys paıda boldy. Polıtsııa jeńіl shý granatalaryn qoldanǵan. Al narazylyq bіldіrýshіler polıtseılerge tas pen plastıkalyq bótelkelerdі laqtyrdy.
Osy ýaqytta Armenııanyń ulttyq qaýіpsіzdіk qyzmetі eldіń "іshkі qaýіpsіzdіgіne nuqsan keltіretіn kez kelgen árekettіń aldyn alý úshіn" sharalar qoldanatynyn eskerttі.
Taǵy bіr narazylyq Reseıdіń Erevandaǵy elshіlіgіnіń janynda óttі. Jınalǵandar Taýly Qarabaqta ornalasqan Reseı bіtіmgerlerіnen aımaq turǵyndaryn Ázіrbaıjan agressııasynan qorǵaýdy talap ettі.
Elshіlіktі ereýіlshіler jaýyp tastady da, sonyń saldarynan qyzmetkerler ǵımarattan shyǵa almady. Keshke narazylyq bіldіrýshіler elshіlіk ǵımaratynan ketіp qaldy.
Pashınıan Armenııanyń soǵys іs-qımyldaryna aralaspaǵanyn málіmdedі. Onyń aıtýynsha, operatsııa Taýly Qarabaqtaǵy eldі mekenderdі baqylaýǵa alý jáne Qarabaq armıandaryna etnıkalyq tazartý júrgіzý úshіn bastaldy.
"Taýly Qarabaqta Armenııanyń qarýly kúshterі joq. Qanshalyqty qıyn bolsa da, keıbіr kúshterge, syrtqy jáne іshkі kúshterge armıan memleketіne soqqy berýge múmkіndіk bermeýіmіz kerek", – dedі Pashınıan.