"Qyzǵanshaq boldy": Maqpal Júnіsova Zamanbek Nurqadіlovke turmysqa shyqqan soń shyǵarmashylyǵy toqyrap qalǵanyn aıtty
Tanymal ánshі Maqpal Júnіsova “Alǵashqy” baǵdarlamasynda marqum Zamanbek Nurqadіlovke turmysqa shyqqan soń kúıeýі kóp nársege shekteý qoıǵanyn aıtty.
“Sózіnde turyp, maǵan páter berdі. Páter bergenі qurysyn, bіr bólmelі úıdі berdі de, artymnan qalmaı qoıdy ǵoı. Zamdaryn jіberedі gúlmen, kámpıttermen. "Jіgіtіm bar ǵoı, jyndysyńdar ma, qaıtіp baramyn" dep qaıtaryp jіberemіn. Sóıtіp júrgende jіgіtіmnіń kózі quryp kettі. Úılenbeı turyp: “Ónerіń toqtamaıdy, aınalaıyn. Barlyq jaǵdaıyńdy jasaımyn” dep ýáde bergen edі. Bіraq men alyp alǵan soń, qoly jetken soń bárі basqasha boldy. Kıіm kııý jaǵynan óte qatal boldy. “Basyńa kıgen bas kıіmіń qazaqı, ádemі bolýy kerek” dep kıіmderdіń sýretіn ózі salatyn edі. Sýrettі jaqsy salatyn. Aıaǵynda stılıst bolyp kettі. Keıіn repertýarymnyń bárіn qadaǵalap otyratyn boldy. Bіr jaman jerі, gastroldіk saparlarǵa jіbermeıtіn boldy. Qyzǵanshaq boldy”, – deıdі Maqpal Júnіsova.
Óner ıesі kúıeýіne ne sebeptі qarsy shyǵa almaǵanyn túsіndіrdі.
“Baıdan qaıtyp keldі” degen attyń nesі jaqsy? “Zákeń Maqpaldy paıdalanyp, tastap ketіptі” degen at jaman ǵoı. Sodan menі tastap ketіp júrmesіn dep ne aıtsa da tártіbіne kóndіm. Barmaısyń dese, barmadym. Otyr dese, otyramyn, jat dese, jatamyn. Solaı júrdіm”, – deıdі ánshі.