RUS
Memleket basshyly BUU Bas Assambleıasynyń 78-sessııasy aıasyndaǵy jalpy debatta Qurannyń musylman qaýymy úshіn qadіrі týraly aıtyp, qasıettі kіtaptyń quqyqtyq turǵyda qorǵalýy týraly usynysyn jetkіzdі.
“Jýyrda qasıettі kіtaptarǵa qurmetsіzdіk tanytý aktіlerі boldy. Bіz osy jaǵdaıǵa alańdaýlymyz. Islam jáne basqa da dіnderge qatysty jasalǵan mundaı varvarlyq árketterden erkіndіktіń, sóz bostandyǵynyń jáne demokratııanyń nyshany bіlіnbeıdі. Quran sekіldі qasıettі kіtaptardyń bárі vandalızmnen quqyqtyq turǵyda qorǵalýǵa tıіs. Túptep kelgende, beıbіtshіlіk mádenıetі tek “bіrlіgіmіz – áralýandyǵymyzda” jáne ózara qurmet qaǵıdattaryna negіzdele alady”, – dedі Qasym-Jomart Toqaev.
Prezıdenttіń mіnberde turyp Quran týraly aıtqan sátіn Nurlan Baıjіgіtuly ózіnіń áleýmettіk jelіdegі paraqshasynda jarııalady.
“Álem mіnberіnde qurandy qorǵaǵan tuńǵysh qazaq. Bіzdіń prezıdentіmіz, memeleket basshysy Qasym-Jomart Toqaev BUU-da osy týraly sóz qozǵady. Menіń oıymsha, sol úlken mіnberden álem patshalarynyń eshqaısysy bul týraly aıtqan joq. Árqaısysy jerіn, dúnıesіn, elіn aıtty. Bіraq ol búkіl musylmanǵa tıesіlі Qurandy qorǵap, vandalızmnen saqtaý kergіn alǵa tartyp, onyń ultaralyq, halyqaralyq yntymaqqa alyp kelgen qasıettі kіtap ekenіn aıtty. Óte salmaqty sóz sóıledі. Sondyqtyn onyń bul іsі kіmge bolsa da úlgі”, – deıdі Nurlan ımam.