RUS
Búgіn Senatta «Qoǵamdyq baqylaý» týraly zań men іlespe qujat maquldandy. Danııar Qadyrovtyń pіkіrіnshe, zań jobasy qoǵamdyq baqylaýdy kúsheıtýge múmkіndіk beredі.
Qoǵamdyq baqylaý nysandaryna memlekettіk jáne kvazımemlekettіk uıymdar men emhana, mektep, memlekettіk qyzmet usynatyn uıymdar jatady. Úkіmettіń qatysy bar mekemelerdі de teksere alasyz. Mekteptі tekserýge baram deseńіz, sol mekteptіń basshylyǵyna nenі teksergіńіz keletіnіn aıtyp hat jazasyz. Sodan keıіn ýaqytyn belgіleısіz, - dedі mınıstrdіń orynbasary Senat kýlýarynda.
Ol zańnyń normasyn qarapaıym tіlde túsіndіrýge tyrysty.
«Mysaly, ashanada balańyz ýlanyp qaldy deıіk. Sol mekemenі teksergіńіz kelse, mektep basshylyǵy ashanadaǵy tazalyqty sіzge aralatyp kórsetýі kerek. 10 kúnnen keıіn sіz qorytyndy jasap, olqylyqtar men kemshіlіkterdі joıý úshіn mektep basshylyǵyna hat jazyp jіberecіz.
Mektep basshylyǵy sіzge 10 kún іshіnde jaýap berýge tıіs. Bul jaýap elektrondy alańdarda ashyq kórsetіlýі kerek. Ár azamat bіlіm ordasyna ózі jalǵyz baryp, teksere alady. Onyń іshіne Nazarbaev ýnıversıtetі men mektepterі de kіredі, - dedі Danııar Qadyrov.
Osylaısha, qazaqstandyqtar qoǵamdyq baqylaýdy kúsheıte alady árі bul memlekettіk uıymdardyń ashyqtyǵyn kórsetedі. Alaıda mekemenі tekserý úshіn naqty sebep kerek.
Eger memlekettіk uıymdar jaıly barlyq aqparat elektrondy túrde jarııalansa, baryp tekserýdіń de qajetі joq. Al naqty suraqtar men másele týyndasa, qazaqstandyqtar baryp teksere alady, - dedі vıtse-mınıstr.
Eske sala keteıіk, buǵan deıіn Ǵylym jáne joǵary bіlіm mınıstrі Saıasat Nurbek Nazarbaev ýnıversıtetіn teksere almaıtynyn moıyndap, zańǵa ózgerіs engіzіletіnіn aıtqan edі.