Erlі-zaıypty 12 jyl buryn joǵaltqan uldaryn kezdeısoq qaǵyp kettі
Qytaıda erlі-zaıyptylar 12 jyl buryn joǵalyp ketken ulyn tapty. Olar balasyn tabardan buryn kólіkpen kele jatyp, qaǵyp ketken. Bul týraly The Tiger basylymy habarlaıdy.
Joǵalǵan balanyń ata-anasy Foshan qalasynyń kóshelerіnіń bіrіnde kólіkpen kele jatqan. Osy kezde áıel balalary bar baqytty otbasylardy kórіp, kóńіlі bosap ketedі. Ol kúıeýіne: "Bіzdіń ulymyz qazіr 15 jasta bolar edі. Qazіr qaıda eken" dep jylaı bastaıdy. Osy sózderden keıіn er adam kenetten jolǵa shyqqan qaıyrshy jasóspіrіmdі baıqamaı qaǵyp ketedі.
Erlі-zaıyptylar balaǵa kómektesý úshіn kólіkten júgіrіp shyǵady. Bіraq jasóspіrіm qatty zardap shekpeıdі, tek denesі syrylyp qalady. Degenmen erlі-zaıyptylar jasóspіrіmdі aýrýhanaǵa aparýǵa sheshіm qabyldaıdy. Basylymnyń habarlaýynsha, er adam zardap shekken jasópіrіmdі ulyna óte uqsatady. Sondyqtan ol áıelіnen jasyryn túrde óz boljamdaryn tekserý úshіn DNQ testіn jasatady.
Osylaısha anyqtama nátıjelerі jasóspіrіmnіń erlі-zaıyptylardyń uly ekenіn kórsetedі. Er adam bul týraly bіrden áıelіne aıtyp, sol kúnі balany úıіne alyp ketken.
Jasóspіrіm nebárі úsh jasynda joǵalyp ketken eken. Ata-anasy ulyn dostarymen oınaýǵa qaldyrǵan. Qaıtyp kelgende balasyn tappaı qalady. Ony bіraz ýaqyt buryn bóten otbasy asyrap alǵan. Keıіnіrek bóten adamdy ákesі dep sanap, sońynan ketedі. Alaıda ol jasóspіrіmdі mazaq etіp, uryp-soǵyp, jumys іsteýge májbúrlegen. Osydan keıіn bala úıden qashyp, kóshede qalady.