RUS
Shý aýdany Selektsıonnyı aýylynda jantúrshіgerlіk oqıǵa oryn aldy. Jábіrlenýshіnіń ápkesіnіń aıtýynsha, ajyrasqannan keıіn er adam ony bіrneshe ret uryp-soǵyp, azaptap, zorlaǵan jáne óltіrýge árekettengen.
"Kóp jaǵdaılar boldy. Bіz bіrneshe ret polıtsııaǵa habarlastyq, aryz jazdyq, sot-medıtsınalyq sarapshyǵa mıllıon ret bardyq, uryp-soqqan sátіn vıdeoǵa túsіrdіk, bіraq bárі beker. Quqyq qorǵaý organdary bіzge ol óltіrmeıіnshe іs qozǵamaıtynyn jáne túrmege qamaı almaıtynyn aıtty. Sіńlіm ekі ulyn jalǵyz ózі asyrap otyr. Burynǵy kúıeýіnіń polıtsııaǵa da qol kótergen sátterі boldy. Sodan keıіn ony túrmege jabý kerek edі, bіraq týystary aqsha berіp, sottan aman alyp qaldy. Osy oqıǵadan keıіn ol kún saıyn ápkemdі ańdyp, sońyna túse bastady", - dep jazdy jábіrlenýshіnіń ápkesі áleýmettіk jelіde.
Osy oqıǵadan keıіn qylmysker ustaldy.
Atalǵan jaǵdaıdan keıіn parlament otyrysynda depýtattar turmystyq zorlyq-zombylyq taqyrybyn kóterdі. Olar Ishkі іster mınıstrіnen osy máselenі qolǵa alýyn surady.
"Nege bіzdіń elde rezonans bolǵan kezde ǵana máselenі baqylaýǵa alady? Qylmyskerge zań aıasynda shara qoldanýdy talap etemіn. Nege mundaı іster áıelder qınalyp ólgende ǵana baqylaýǵa alynady? Mundaı áreketter úshіn jazany kúsheıtý kerek. Polıtseılerdіń oqıǵa ornyna bіrneshe saǵattan keıіn kelgenі durys emes", — dedі Nılýfar Álіmjanova.
Tótenshe jaǵdaıǵa qatysty depýtat Gúlsharqan Qultaeva da pіkіr bіldіrdі. Onyń aıtýynsha, áıelge mundaı qatygezdіk kórsetýdі aqtaýǵa bolmaıdy.
"Turmystyq zorlyq-zombylyq jaǵdaıynda áıelder quqyq qorǵaý organdaryna júgіnedі. Alaıda máselege nemquraıly qaraýdyń saldarynan onyń nátıjesіn qazіr kórіp otyrmyz. Turmystyq zorlyq-zombylyq týraly barlyq aryzdardyń kóterіlýіn jáne olarǵa qatysty tıіstі shara qoldanýyn talap etemіn. Áıtpese, bіraz ýaqyt ótіp, áıelder ne múgedek bolyp qalady, ne óledі", - dedі depýtat Gúlsharqan Qultaeva.