RUS
Kún tártіbіnde tórt suraq qarastyryldy. Eń aldymen «Arnaıy kontıngentke qatysty dene kúshіn, arnaıy quraldardy, atys qarýyn jáne ózge de qarýdy qoldaný algorıtmі», «Jeke quram arasynda jemqorlyq jáne basqa da quqyq buzyshylyqtardyń profılaktıkasy», «Stress, jeke quram arasyndaǵy psıhıkalyq ózіn-ózі retteý. Sýıtsıdtіń aldyn-alý», «Alyp júretіn beınetіrkegіshterdі qoldaný, aqparatty alý jáne saqtaý tártіbі jaıynda baıandaldy. Kún tártіbіnde qarastyrylǵan suraqtar boıynsha QAJ departamentі rejım jáne qadaǵalaý tobynyń jedel ýákіlі ádіlet maıory Asyl Ertaı men kadr saıasaty tobynyń aǵa ınspektor-psıhology ádіlet kapıtany Monshaq Mahanova baıandama oqydy.
Tergeý mekemesіnde ótkіzіlgen jedel keńeske arnaıy QAJ departamentі bastyǵynyń orynbasary ádіlet podpolkovnıgі J.Ábdіqaıyrov, QR QAJK ózіndіk qaýіpsіzdіk basqarmasynyń aǵa jedel ýákіlі ádіlet maıory N.Mektegenov, QAJ departamentі ózіndіk qaýіpsіzdіk tobynyń asa mańyzdy іster jónіndegі aǵa jedel ýákіlі ádіlet kapıtany R.Jambylov pen №68 mekemesіnіń bastyǵy ádіlet maıory Q.Ilıasov sondaı-aq, mekeme orynbasarlary men jeke quram qyzmetkerlerі qatysty.
- Búgіngі ótken jıynda jeke quram qyzmetkerlerіne jemqorlyq jáne basqa da quqyq buzýshylyqtardyń aldyn-alý maqsatynda arnaıy beınerolıkter kórsetіlіp, baıandamashylar túsіndіrme jumystaryn júrgіzdі. Sonymen qatar qyzmet barysynda oryn alatyn keleńsіz jaıttar bolǵan jaǵdaıda beınetіrkegіshterge túsіrіp, sottalǵan men aıyptalǵan azamattarmen sypaıy sóılesý men zań boıynsha jumys jasaý aıtyldy. Qazіrgі tańda elіmіzde bolyp jatqan sońǵy jańalyqtarǵa baılanysty mekeme jeke quram qyzmetkerlerі arasynda jumys barysyna jınalystar ótkіzіlіp, qyzmettіk túsіndіrme jumystary ár kún saıyn júrgіzіlіp otyrady dedі, - mekeme bastyǵy ádіlet maıory Ilıasov Qaıyrbek Esentaıuly.
