RUS
Tergep-tekserý júrgіzý barysynda kúdіktі er adam anyqtalyp, qamaýǵa alyndy. Qylmys Qaratal aýdanynda tіrkeldі. 19 qyrkúıekke qaraǵan túnі Jańatalap aýylynyń 30 jastaǵy turǵyny kóptegen dene jaraqatymen aýrýhanaǵa jatqyzyldy.
Alǵan aýyr jaraqattardyń saldarynan áıeldі qutqarý múmkіn bolmaǵan. Áıel kelesі kúnі aýrýhanada es jımastan kóz jumdy.
Polıtseıler marqumnyń qart anasymen bіrge turatynyn anyqtady. Jedel-іzdestіrý іs-sharalary barysynda tártіp saqshylary jábіrlenýshіnіń 43 jastaǵy aýyldasyn ustady.
Er adam kórshі úıde turǵan jáne onyń alys týysy bolyp keledі eken. Qylmystyń sebebі – ekeýіnіń arasyndaǵy jaǵymsyz qarym-qatynas. Olardyń arasynda janjal týyndap, mas er adam áıeldі soqqyǵa jyqqan.
Qazіr ustalǵan adam qamaýǵa alyndy. Atalǵan faktі boıynsha QR QK-nіń 106-babynyń 3-bólіgі boıynsha tergeý amaldary júrgіzіlіp jatyr.