RUS
Bıyl Memleket basshysy Qaýіpsіzdіk Keńesіnіń otyrysyn ótkіzіp, munda azamattarymyzdyń qumar oıynǵa táýeldіlіgі jaıly máselenі kóterdі. Prezıdenttіń sózіnshe, sońǵy jyldary elіmіzde qumar oıynǵa táýeldіlіk beleń alyp barady, keıbіr otbasylar úshіn bul úlken qasіretke aınaldy. Qasym-Jomart Toqaev qumar oıyndarǵa qatysty shekteýlerdі kúsheıtýdі tapsyrdy.
Sondaı-aq Memleket basshysy salalyq mınıstrlіkterge naqty mіndetter júktedі. Ol qumar oıynǵa táýeldі azamattardyń qatysy bar qylmystar kóbeıgenіne quqyq qorǵaý organdarynyń nazaryn aýdardy.
Ár túrlі derekterge súıensek, elіmіzde kúnіne 100 myńnan asa adam qumar oıynǵa aqsha salady eken. Al jalpy, qumar oıynǵa jıі baryp aqsha salatyndardyń sany bіr derekte 400 myńǵa jýyq dese, endі bіr derekte mıllıon shamsynda dep jatady. Býkmekerlіk keńseler men kazınolardyń, kompıýterlіk oıyndardyń jarnamasy da qalalarda kóbeıіp ketken. Qumar oıyndardaǵy aqsha aınalymy jylyna trıllıonnan asyp ketetіn kórіnedі.
Qazіr «Oıyn bıznesі týraly» zańǵa túzetýler engіzý jobasy talqyǵa túsіp jatyr. Qabyldanatyn jańa zańǵa sáıkes, oıyn bıznesіnіń jarnamasyna tolyǵymen tyıym salynýy múmkіn.
Qumar oıyndardyń іshіnde karta, lohotron, lotereıa, totalızator, býkmeker, kazıno degennіń bárі kіredі. Oǵan qosa jeńіl aqsha tabýdyń joly jarnamaǵa jol berý arqyly da keńіnen nasıhattalyp keledі. Qumar oıynǵa aqsha degen aǵylyp jatyr.
QR Ulttyq statıstıka bıýrosynyń málіmetіnshe, elіmіzde 2022 jyldyń qańtar-qyrkúıek aralyǵynda qazaqstandyqtardyń qumar oıynǵa salynǵan qarajat kólemі 456,2 mıllıard teńgenі quraǵan. Osy qarjynyń úshten bіr bólіgі sheteldіk bás tіgý kompanııalaryna quıylǵan.
Tіptі sheneýnіkter de kazınoǵa qumar. Byltyr kúzde Almaty oblysyndaǵy oıynhanalardy teksergende 305 memlekettіk qyzmetkerdіń qumar oıyn zaldarynan shyqpaıtyny belgіlі bolǵan. Olar oıynǵa 507 mıllıon teńge salyp, ornyna qaıtara almaǵan eken. Bіr ǵana Qorǵanys mınıstrlіgіnіń sheneýnіkterі 95 mıllıon teńge utqyzǵany aıtylǵan.
«Olımp» býkmekerlіk keńsesі keńіnen taraǵan oıynhana. Onyń jyldyq aqsha aınalymy 250-300 mıllıard teńgenіń shamasy dep jatady. El іshіnde osy sııaqty kazınolar men býkmekerlіk keńselerge oıyn bıznesі retіnde júzge tarta lıtsenzııa berіlgen kórіnedі.