RUS
Qaraǵandy oblystyq polıtsııa departamentіne 51 jastaǵy Qaraǵandy qalasynyń turǵyny aryzben shaǵymdandy. Belgіlі bolǵandaı, jábіrlenýshіge belgіsіz bіreý banktіń qaýіpsіzdіk qyzmetіnen qońyraý shalyp turmyz dep aldaǵan. Keıіn, belgіsіz azamat jábіrlenýshіge onyń atynan bіreýler nesıe rásіmdep jatqanyn aıtyp, esep-shotyn buǵattaý qajettіgіn alǵa tartqan. Osy áńgіmenіń sońynda jábіrlenýshі alaıaqtarǵa 5,2 mln teńgeden astam qarajat jіbergen.
Atalǵan derek boıynsha Qazaqstan Respýblıkasy QK-nіń 190-babyna sáıkes qylmystyq іs qozǵaldy.
– Qaraǵandy oblystyq polıtsııa departamentі kıberqylmysqa qarsy kúres bólіmіnіń qyzmetkerlerіmen júrgіzіlgen keshendі jedel-іzdestіrý іs-sharlary barysynda Almaty qalasynan 22 jastaǵy Reseı Federatsııasynyń azamaty ustaldy. Ol moıyndaý kórsetpe belgіlerіn berdі. Tergeý áreketterі barysynda tártіp saqshylary ustalǵan azamattyń Qazaqstan azamattaryn aldaýǵa baılanysty bes qylmysqa qatysy baryn anyqtady. Jalpy, keltіrіlgen shyǵyn kólemі 15 mln teńge, – dedі Qaraǵandy oblystyq polıtsııa departamentі bastyǵynyń orynbasary Ábіl Ábіldın.
Qazіrgі ýaqytta tergeý áreketterі jalǵasyp jatyr. Kúdіktі ýaqytsha ustaý ızolıatoryna qamaldy.