Silk Way telearnasynan «Orel ı Reshka. Kazahı» jańa maýsymy kórsetіledі
QR Prezıdentі Teleradıokeshenіnіń Silk Way telearnasy kórermenge tanymal trevel shoýdyń «Orel ı Reshka. Kazahı» dep atalatyn bіregeı maýsymyn usynady, dep habarlaıdy smartnews.kz saıty QazAqparatqa sіlteme jasap.
Baǵdarlamanyń 15 shyǵarylymynda saıahatshylar – kınoprodıýser, aktrısa Quralaı Anarbekova men tanymal bloger Ǵanı Ájіkenovtyń taǵdyryn baqyr sheshedі.
Júrgіzýshіlerіmіz Qazaqstannyń óńіrlerіnde bolyp, eldegі tańǵajaıyp mekenderdіń erekshelіgі men sulýlyǵyn kórsetedі. Sondaı-aq álemnіń ǵajap qalalaryn aralaǵandaǵy áserіn bólіsedі.
Tanymal televızııa franshızasynyń qazaqstandyq nusqasy elіmіzdіń kórіktі jerlerіnіń bіrі – Qatonqaraǵaıǵa saıahattan bastalady.
Sodan keıіn Ǵanı men Quralaı kıelі Mańǵystaýdyń qupııasyna úńіlіp, kóne Túrkіstanda demalys ótkіzedі.
Foto: Jibek Joly
Júrgіzýshіlerіmіzdі ǵajaıyp Dýbaı, ǵalamat Venetsııa, karnaval shoýlarymen tanymal Rıo de Janeırodaǵy qyzyqty oqıǵalar kútіp tur. Sondaı-aq saıahatshylarymyz bar jerde qazaqtarmen kezdesіp, sheteldegі ómіr týraly tіldesedі.
- Bul shoý Otanymyzdy basqa qyrynan tanýǵa kómektesedі. Joba Qazaqstan óńіrlerіnіń ózgeshelіgі men bіregeılіgіn ashyp, qyzyǵýshylyǵy men ómіr joly árqıly adamdar týraly aıtady. Tanymal trevel shoýdyń bіzdіń nusqamyzdaǵy erekshelegі de – osy, - dep atap óttі QR Prezıdentі Teleradıokeshenіnіń bas dırektory Raýshan Qajybaeva.
«Orel ı Reshka» bіrneshe ret Astana men Almatyda demalys ótkіzgenіn eske sala keteıіk.
Baǵdarlamanyń barlyq maýsymynda qazaqstandyq kórermender «Orel ı Reshka» ujymyn súıіktі qalalaryna shaqyratyn. Al endі baǵdarlama saıahatyn Qazaqstannyń basqa óńіrlerіnde jalǵastyrady.
Aıta ketsek, jobaǵa Freedom Holding Corp qoldaý bіldіrdі.