RUS
Jambyl oblysynda ótіp jatqan Qazaqstan men Qyrǵyzstannyń Óńіraralyq yntymaqtastyq forýmy Qazaq-Qyrǵyz іskerlіk dıalogynan bastaldy. QR saýda jáne ıntegratsııa vıtse-mınıstrі Qaırat Tórebaev qatysýshylarǵa joldaǵan quttyqtaý sózіnde Qazaqstan men Qyrǵyzstan – jaqyn baýyrlas elder, Ortalyq Azııa óńіrіnіń damýyna áserі zor saýda-ekonomıkalyq baǵytyndaǵy negіzіgі árіptester ekendіgіn atap óttі.
- Búgіnde ekіjaqty saýdanyń damýyndaǵy serpіndі dınamıka baıqalady. Aǵymdaǵy jyldyń jetі aıynda ekі el arasyndaǵy saýda 12,7 paıyzǵa ósіp, 755,4 mıllıon dollardy qurady. Qazaqstannan Qyrǵyzstanǵa eksport 2023 jylǵy qańtar-shіldede 17,5 paıyzǵa ósіp, 469,7 mıllıon dollarǵa jettі. Import óz kezegіnde 5,6 paıyzǵa artyp, 285,6 mıllıon dollardy qurady. Qazіr ekі eldіń aldynda ózara saýda deńgeıіn 2 mıllıard dollarǵa jetkіzý mіndetі tur,-dedі vıtse-mınıstr.
Ol kórsetkіshke qol jetkіzý úshіn ekі eldіń úkіmetterі bıznes ókіlderіmen tyǵyz yntymaqtastyq ornatýǵa, qajettі qoldaýlardy kórsetýge, kelіssózder júrgіzýge daıyn.
Ózara іskerlіk dıalogtar qorytyndysy boıynsha Qazaqstan Respýblıkasy men Qyrǵyz Respýblıkasynyń kásіporyndary arasynda 65 mıllıon AQSh dollary kólemіndegі 10 kelіsіmshartqa qol qoıyldy.
Bul kúnі Taraz qalasyndaǵy Dostyq úıіnde ekі eldіń іsker top ókіlderі B2B formatynda kelіssózder júrgіzdі.
Sondaı-aq, qonaqtar qolónershіler men jergіlіktі taýar óndіrýshіlerdіń kórmelerіn tamashalady.
Aıta keteıіk, forým aıasyndaǵy sharalar ekі kúnge josparlanǵan.