Endі janjaldasqan erlі-zaıypty bіr jylda bіr-aq ret qana tatýlasa alady

SQO Polıtsııa departamentі baspasóz qyzmetіnіń málіmetіnshe, Petropavlda sot janjalqoı men onyń áıelіn tatýlastyrýdan bas tartty. Sáýіr aıynda Petropavl turǵyny polıtsııaǵa habarlasyp, úıde janjal shyǵarǵan kúıeýіnen qorǵaýdy suraǵan.

31 jastaǵy er adam ákіmshіlіk jaýapkershіlіkke tartylýy tıіs bolatyn. Alaıda, sot otyrysynda áıelі kúıeýіnіń túzelemіn degen ýádesіne senіp, tatýlasqan. Shіlde aıynda osy otbasydan polıtsııaǵa kezektі shaqyrtý túsken. Ákіmshіlіk óndіrіs júrgіzý barysynda er adam mas kúıde úıіnde taǵy da janjal shyǵarǵan. Áıelі bul joly da tatýlastyrýdy suraǵan.

Alaıda, 1 shіldeden bastap kúshіne engen jańa zańnamalyq normalarǵa sáıkes turmystyq zorlyq-zombylyq faktіlerі boıynsha jyl boıy tek bіr ret qana tatýlasýǵa bolady. Sot qaýlysyna sáıkes er adam 5 táýlіkke ákіmshіlіk qamaýǵa alyndy.

Polıtseılerdіń aıtýynsha, jazany qatańdatý otbasyndaǵy zorlyq-zombylyq faktіlerіn aıtarlyqtaı tómendetýge septіgіn tıgіzbek.