RUS
Halyqaralyq jýrnalıstıka mektebі - Qazaqstandyq BAQ úshіn shyǵarmashylyq jáne tehnıkalyq mamandardy daıarlaý maqsatynda QR Prezıdentі TRK-men bіrge júzege asyrylǵan joba. Bıylǵy alǵashqy oqý jylyna 201 stýdent qabyldanyp, onyń 20-sy Prezıdent TRK men «Dara» Prezıdenttіk bastamalar qorynyń grantyna ıe bolǵan edі.
Mekteptіń ashylýyna QR Prezıdentіnіń Keńesshіsі - Baspasóz hatshysy Berіk Ýálı, QR Prezıdentіnіń Teleradıokeshenі Bas dırektory Raýshan Qajybaeva, AQSh-tyń Qazaqstandaǵy Tótenshe jáne Ókіlettі Elshіsі Denıel Rozenblıým, sondaı-aq bіrneshe memleketterdіń elshіlerі men ókіlderі qatysqan.
«Qazіrgі ashylyp otyrǵan Halyqaralyq jýrnalıstıka mektebі – stýdentterge osy salada úlken múmkіndіkter ashatynyna senіmdіmіn. Óıtkenі 70 paıyzy aǵylshyn, 30 paıyzy qazaq jáne orys tіlderіnde oqytylady eken. Jalpy bul halyqaralyq deńgeıde bіlіm alyp, kókjıek keńeıtetіn myqty joba. Osyndaı aýqymdaǵy, jýrnalıstıka baǵytyndaǵy fakýltet Qazaqstanda tuńǵysh ret ashylyp jatyr. Osy jerden shyqqan mamandar keıіngі býynǵa úlken bіr mektep qalyptastyratynyna senіmdіmіn» - dedі QR Prezıdentіnіń Keńesshіsі - Baspasóz hatshysy Berіk Ýálı.
Oqytý jeke pánder boıynsha qazaq jáne orys tіlderіnіń elementterіmen aǵylshyn tіlіnde ótedі. Bolashaq jýrnalısterge arnalǵan oqý baǵdarlamasy Columbia University, Berkeley University, Princeton University, City University of London ýnıversıtetterіnde qoldanylatyn úzdіk álemdіk tájіrıbe negіzіnde ázіrlengen. Jańa mekteptіń bіlіm berý baǵdarlamasynda BAQ-ǵy sońǵy tendentsııalaryna saı jýrnalıstıkanyń zamanaýı ádіs-tásіlderіn meńgerýge erekshe mán berіlgen.
Stýdentterge tájіrıbe alý múmkіndіgіn Prezıdent TRK-ne qarasty «Jibek Joly» telearnasy, «QazAqparat» aqparattyq agenttіgі jáne «Derektі fılmder ortalyǵy» usynyp otyr.
Sondaı-aq stýdentterge Columbia University, University of Cambridge, New York Film Academy, Mississippi Valley State University jáne Michigan State University USA túlekterі dárіs oqıdy.
Eske sala ketsek, QR Prezıdentіnіń Teleradıokeshenі men Maqsut Narikbayev University-dіń bіrlesіp jasaǵan Halyqaralyq jýrnalıstıka mektebі - daryndy jastardy qoldaý men kásіbılіktі shyńdaýǵa arnalǵan, oǵan qosa qoǵam men memlekettіń zamanaýı kommýnıkatıvtі qajettіlіkterіne jaýap beretіn jýrnalıstіk korpýsty qalyptastyrýǵa arnalǵan tuńǵysh joba.