RUS
Frantsııanyń ońtústіk-batysynda 40 jastaǵy tájіrıbelі parashıýtshy Nıkolas Galı ózі sekіrgen ushaqtyń qanatyna soqtyǵysyp, basy julynyp kettі. Galı parashıýtpen emes, áýe arqyly josparlaýǵa múmkіndіk beretіn arnaıy qanatpen sekіrgen. Oqıǵa 2018 jyldyń shіldesіnde bolǵan, bіraq ol týraly endі ǵana belgіlі boldy. Buǵan tergeýdіń uzaqqa sozylýy sebep boldy. Nátıjesіnde qylmystyq іs qozǵalyp, 64 jastaǵy ushqysh Alan TS. kіnálі dep tanyldy.
Sol kúnі bortta segіz parashıýtshy men ekі qanatpen ushatyn adamdar(vıngsıýter) boldy. Galı men onyń serіktesі Týlýzadan soltústіkke qaraı 4,4 myń metr bıіktіkte ushaqtan bіrіnshі bolyp sekіrgen. Jyldam quldyılap kele jatqan ushqysh 20 sekýndtan keıіn 300 metr tómendegі er adamdardyń qasynan bіr-aq shyqqan. Bar jyldamdyqpen ushyp kele jatqan ushaqtyń qanaty men tіregі Galıdyń moıyn aımaǵyna tıgen. Osydan keıіn onyń apattyq parashıýtі іske qosylǵan. Ekіnshі adam jaraqattan aman qalǵan.
Sotta Alan TS., jolaýshylaryna nusqaý bermegenіn, sonymen qatar, medıtsınalyq saraptama qorytyndysy boıynsha medıtsınalyq shekteýlerge baılanysty ushýǵa quqyǵy joq ekenіn moıyndady.
Ol er adamdardan kóz jazyp qalǵanyn, olardyń basqa baǵytta júrgenіne senіmdі bolǵanyn aıtty.
"Erkіn qulaý kezіnde parashıýtshylardan aıyrmashylyǵy, qanatpen ushatyndar túzý syzyqta qozǵalatyndyqtan, olarmen jumys qıynyraq. Olar baıaý tómendeıdі jáne ushaqpen soqtyǵysýy múmkіn", - dedі Alan TS.
Ushqyshtyń aıtýynsha, Galı josparlaǵan baǵytynan soltústіkke qaraı aýytqyǵan jáne ushaqpen parallel ushpaýy kerek edі.
"Bul menіń ómіrіmnіń qasіretі, bіraq men kіnálі emespіn", - dedі Alan TS.
Prokýror óz sózіnde aıyptalýshyǵa qarsylyq bіldіrіp, Galıdіń erejelerdі qatań saqtaǵan jalǵyz adam ekenіn atap óttі. Ol ushqysh úshіn 12 aılyq shartty merzіmdі jáne Midi-Pyrénées parashıýtshіler mektebіne on myń eýro aıyppul salýdy talap ettі. Sottyń úkіmі 2023 jyldyń qarashasynda jarııalanady.