RUS
Qaraǵandy oblystyq polıtsııa departamentіne 51 jastaǵy Qaraǵandy turǵyny aryzdanǵan. Jábіrlenýshіge beıtanys bіreý banktіń qaýіpsіzdіk qyzmetіnen qońyraý shalyp turmyz dep aldaǵan. Keıіn, belgіsіz azamat jábіrlenýshіge onyń atynan bіreýler nesıe rásіmdep jatqanyn aıtyp, esep-shotyn buǵattaý qajet ekenіn eskertken. Osy áńgіmenіń sońynda jábіrlenýshі alaıaqtarǵa 5,2 mln teńgeden astam qarajat jіbergen.
Atalǵan derek boıynsha Qazaqstan Respýblıkasy QK-nіń 190-babyna sáıkes qylmystyq іs qozǵaldy.
"Qaraǵandy oblystyq polıtsııa departamentі kıberqylmysqa qarsy kúres bólіmіnіń qyzmetkerlerіmen júrgіzіlgen keshendі jedel-іzdestіrý іs-sharlary barysynda Almatydan 22 jastaǵy Reseı Federatsııasynyń azamaty ustaldy. Tergeý kezіnde tártіp saqshylary ustalǵan azamattyń Qazaqstan azamattaryn aldaýǵa baılanysty bes qylmysqa qatysy baryn anyqtady. Jalpy, keltіrіlgen shyǵyn kólemі 15 mln teńgeden asady", - dedі Qaraǵandy oblystyq polıtsııa departamentі bastyǵynyń orynbasary Ábіl Ábіldın.
Qazіrgі ýaqytta tergeý áreketterі jalǵasyp jatyr. Kúdіktі ýaqytsha ustaý ızolıatoryna qamaldy.