RUS
Elorda turǵyndary 23 qyrkúıek kúnі keshke joldyń boıyna shyǵyp alǵan.
Osylaısha, olar «Kent» kafesіnіń ıesі úı men mekemenіń arasyna shaǵyn qorshaý ornatqanyna narazylyq bіldіrgen. Jol boıyn bіrneshe mınýt boıy bógegen turǵyndar apatty jaǵdaı týǵyzyp, kólіk qozǵalysyna kedergі keltіrgen. Olar jol qozǵalysyna qatysýshylardyń densaýlyǵy men ómіrіne qaýіp tóndіrdі, sonymen qatar jol qozǵalysy erejelerіn óreskel buzǵan.
Olardyń áreketі zańsyz bolǵandyqtan qoǵamdyq tártіptі buzýshylar jaýapqa tartylyp, aıyppul salyndy.
— Mundaı іs-áreketke jol berіlmeıdі, óıtkenі aýyr zardaptarǵa ákelýі múmkіn. Mundaı zańsyz áreketter zańnyń barlyq qatań tártіbіmen jazalanady. Elorda turǵyndary men qonaqtaryn qoǵamdyq tártіptі saqtaýǵa jáne daýly máselelerdі tek quqyqtyq turǵyda sheshýge shaqyramyz, - delіngen Astana polıtsııa departamentіnіń málіmdemesіnde.