Qazaqstan shetelge 7 aıda 14,2 mlrd dollardyń óńdelgen taýaryn satqan
Bıylǵy 7 aıda Qazaqstan 14,2 mlrd dollardyń óńdelgen taýaryn satty. Shetelge eksporttalǵan shıkіzattyq emes taýar aınalymy týraly saýda jáne ıntegratsııa vıtse-mınıstrі Qaırat Tórebaev OKQ alańynda baıandap berdі.
Onyń aıtýynsha, 2023 jylǵy qańtar-shіldede Qazaqstannyń shıkіzattyq emes taýarlarynyń aınalymy 46,7 mlrd dollar boldy. Bul – ótken jyldyń sáıkes kezeńіmen salystyrǵanda, 21,7% kóp.
“Bıyl 7 aıda shıkіzattyq emes taýarlardyń eksporty 14,2 mlrd dollar boldy. Qyzmetter eksportynyń kórsetkіshі – 2,1 mlrd dollar. Bul – ótken jyldyń sáıkes kezeńіmen salystyrǵanda 16,7% óskenі. Shıkіzattyq emes taýarlardyń úzdіk úshtіgіne mys pen mys katodtary (olardyń úlesі 12,9%), ferroqorytpalar (10,2%), ýran (9,4%) endі”, - dedі Qaırat Tórebaev.
Vıtse-mınıstr taýar sebetіn ártaraptandyrýdyń, eksport geografııasynyń keńeıgenіn de atap óttі.
"Negіzgі naryqtar – dástúrlі túrde Reseı, Qytaı, Ózbekstan, Túrkııa jáne Nıderlandy. Eýropalyq odaq elderіne, Qytaıǵa jáne Ortalyq Azııa elderіne jetkіzіlіmderdіń aıtarlyqtaı ósýі tіrkeldі", - dedі ol.