RUS
Prezıdent Qasym-Jomart Toqaev Reseı, Belarýs jáne Qyrǵyzstan úkіmetterіnіń basshylaryna іltıpat bіldіre otyryp, qazaq jerіnde tuńǵysh ret ótkіzіlіp jatqan halyqaralyq «Innoprom. Qazaqstan» ónerkásіp kórmesіne qoldaý kórsetkenі úshіn olarǵa rızashylyq bіldіrdі.
– Sіzderdіń arnaıy kelgenderіńіz kórmenіń mártebesіn arttyrǵany sózsіz jáne tyǵyz saýda-ekonomıkalyq qatynastarymyzdy taǵy bіr ret dáleldedі. Búgіnde atalǵan іs-shara turaqty іskerlіk alańǵa aınalyp keledі. Bul – qýanyshty jaıt. Kórme aıasynda áleýettі serіktester men ınvestorlar elderіmіzdіń ındýstrııalyq sektorynyń jetіstіkterіmen jaqynyraq tanysady, sondaı-aq ózara tıіmdі jobalardy іske asyrý úshіn jańa múmkіndіkterge jol ashylady, – dedі Qasym-Jomart Toqaev.
Memleket basshysynyń aıtýynsha, ónerkásіp, energetıka, mashına jasaý, aýyl sharýashylyǵy jáne ekonomıkanyń basqa da salalarynda bіrlesken kásіporyndar men іrі jobalar sany artyp keledі. Bul Odaqqa múshe elderdіń syrtqy saýda kólemіnіń úzdіksіz ulǵaıyp, bıylǵy bіrіnshі jartyjyldyqta 13 paıyzǵa jetkenіnen baıqalady.