«Ógeı ákesі óltіrdі»: Polıtsııa Almatydaǵy búldіrshіn ólіmіne qatysty mán-jaıdy aıtty
Almaty qalalyq polıtsııa departamentі ógeı ákenіń 4 jasar búldіrshіndі uryp óltіrgen deregіne qatysty pіkіr bіldіrdі.
Polıtsııa ókіlderіnіń aıtýynsha, qazіrgі kezde QR Qymystyq kodeksіnіń 99-baby 3-bólіgі boıynsha tergeý júrgіzіlіp jatyr.
«Kórsetіlgen qylmysty jasady degen kúdіktі – 2004 jyly týǵan D. esіmdі azamat ustalyp, QR QIJK-nіń 128-babyna sáıkes, Polıtsııa departamentіnіń ýaqytsha ustaý ızolıatoryna qamaldy.
Bul qylmystyq іstіń tergeý barysy Almaty qalalyq PD basshylyǵynyń baqylaýynda», - delіngen PD habarlamasynda.
Eske salaıyq, atalǵan jantúrshіgerlіk oqıǵa týraly «NeMolchı» qorynyń jetekshіsі Dına Tańsárі habarlady. Qoǵam belsendіsі 4 jasar sábıdі ógeı ákesі aıaýsyz soqqyǵa jyqqanyn, sonyń saldarynan bala aýyr jaraqattan kóz jumǵanyn málіmdedі.