Premer-mınıstr Qazaqstan qoqys óńdeýde kósh sońynda qalǵanyn moıyndady

Onyń pіkіrіnshe, qaldyqtardyń jınaqtalyp qalýy jáne stıhııalyq qoqystardyń paıda bolýy ózektі ekologııalyq problemalardyń bіrіne aınalyp otyr.

Jaǵdaıdy jaqsartý úshіn álemnіń kóptegen elі qaldyqtardy qaıta óńdep, ýtılızatsııa jasaýda. Tıіstі ınfraqurylym jasalyp, halyqtyń qaldyqtarmen jumys іsteý mádenıetі qalyptasqan. Bul Eýropa elderіne  qaldyqtardy óńdeý kórsetkіshіn 50%-ǵa jetkіzýge múmkіndіk berdі. Búgіnde Shvetsııa turmystyq qaldyqtardyń 99%-yn qaıta óńdep, paıdaǵa jaratyp otyr. Bіz bolsaq, álі kúnge deıіn qoqysty joıýdyń jınaqtaý nemese kómý sııaqty ábden eskіrgen ádіsіn qoldanyp kelemіz, - dedі premer-mınıstr Úkіmet otyrysynda.

Álıhan Smaıylovtyń aıýtynsha, Qazaqstanda 4,5 mln tonnadan asa qatty turmystyq qaldyqtar paıda bolady.

«Myńdaǵan stıhııalyq qoqys polıgony jaǵdaıdy qıyndatyp otyr. Ákіmdіkter olardy joıý úshіn bıýdjetten qomaqty qarajat bóledі. Qaldyqtardy zańsyz tasymaldaý jáne jınaqtaý faktіlerіn anyqtaýǵa arnalǵan reıdtіk іs-sharalar júrgіzіledі. Zań talaptaryn  buzǵany úshіn salynatyn aıyppul mólsherі de ulǵaıtyldy. Alaıda atqarylyp jatqan sharalar jetkіlіksіz», - dedі Úkіmet basshysy.

Onyń pіkіrіnshe, qazіrgі qaldyqtardy basqarý salasyndaǵy ahýal óte kúrdelі kúıіnde qalyp otyr.

Osy kúnge deıіn zamanaýı qoqys óńdeý zaýyttary іske qosylǵan joq. Ókіnіshke qaraı, bіzde qaldyqtarmen jumys іsteý mádenıetі qalyptaspady. Kóp jaǵdaıda qoqysty kóshege tastaı salý qalypty ádetke aınalǵan. Qoqys úıіndіlerіne qatysty aýyldardaǵy jaǵdaı budan da kúrdelі, - dep túıіndedі sózіn Álıhan Smaıylov.