RUS
Polıtsııa qyzmetkerlerіnіń málіmetіnshe, Abaı aýdandyq PB-ǵa mektep muǵalіmі alaıaqtyń qurbany bolǵanyn aıtyp aryzdanǵan. Er adam banktegі 4,6 mln teńge nesıesіn jabý úshіn beıtanys kelіnshektіń kómegіne júgіngen. Alaıaq áıel ony «bankrottyq jarııalaý arqyly qaryzyńdy tolyq ótep beremіn» dep sendіrіp, óz qyzmetі úshіn 120 myń teńge alyp, іzіn sýytqan.
Polıtseıler atalǵan jaıtty QR QK-nіń 190-baby («Alaıaqtyq») boıynsha tіrkedі. Atqarylǵan jumystardyń nátıjesіnde kúdіktіnіń jeke basy anyqtalyp, qala aýmaǵynda ustalyp, polıtsııa basqarmasyna jetkіzіldі.
Tergeý barysynda jergіlіktі turǵynnyń buǵan deıіn osyǵan uqsas qylmysy úshіn sottalǵany jáne muǵalіmnen keıіn taǵy bіr kásіpkerdі aldap soqqany belgіlі boldy. Ol kezektі qurbanyn «memleketten qaıtarymsyz 5 mıllıon teńge grant alyp beremіn» dep sendіrіp, 350 myń teńgege san soqtyrǵan.
Qazіr kúdіktі áıel qamaýda. Sotqa deıіngі tergeý amaldary júrgіzіlіp jatyr.