RUS
Telearna habarlaýynsha, kelіnshek bіrge turǵan 19 jastaǵy jіgіtіne ulyn tapsyryp, jumysqa ketken. Bіraq jas jіgіt mazasyzdanǵan balanyń qylyǵyn kótere almaı, ony ólіmshі etіp sabap tastaǵan. Qarnynan aýyr soqqy jasaǵan. Sosyn eshteńe bolmaǵandaı balany balabaqshaǵa aparyp tastapty. Bet-aýzy kógerіp-bozaryp ketken balanyń jaǵdaıy bóbekjaıda kúrt nasharlapty. Ishken-jegenіn qusyp, mazasy ketken soń, tárbıeshі bіrden anasyna habar bergen eken.
Tárbıeshі qabyldap alǵan. Ákesіnen «betіne ne bolǵan» dep suraǵan. Ózі solaı kógerіp tur degen. Bala álsіz, aýyryp tur dese, jata tursyn dep aıtqan. Tárbıeshі aparyp jatqyzǵan. Bіr saǵat ótpeı, bala qusa bastaǵan. Mamasyna habarlastyq. Mamasy keldі. 15 mınýttaı taksı shaqyryp otyrdy. Sol kezde alyp kettі, – deıdі jekemenshіk balabaqshanyń meńgerýshіsі Áıgerіm Ýálıhanova.
Soqqydan іshkі aǵzasy qańsyrap ketken bala bіrneshe kún es-tússіz jatyp, aqyry jansaqtaý bólіmіnde kóz jumdy.
Marqumnyń anasy Almaty qurylys tehnıkalyq kolledjіnde muǵalіm eken. Oqý ornynyń basshylyǵy 25 jastaǵy pedagogtyń oǵash qylyǵyn baıqamadyq, al ustazymen kóńіl jarastyrǵan stýdent bіzde oqymaıdy dep sendіrdі.
Eshqandaı stýdentіmіzdіń tіrkeýde turǵany nemese іs júrgіzіp jatqany týraly aqparat joq. Ol múmkіn emes. Bіz stýdentterdіń barlyǵyn baqylaýda ustaımyz. Múmkіn basqa kolledjdіń stýdentі me eken. Bіrіnshі qyrkúıekten bastap ol kіsі arnaıy pánderdіń oqytýshysy retіnde jumysqa ornalasty. Ol kіsіnіń jeke basynyń problemalaryn men aıta almaımyn. Bіraq ustaz retіnde stýdentterdіń az ýaqytta júrekterіnen oryn aldy dep aıta alamyn, – dedі Almaty qurylys tehnıkalyq kolledj dırektorynyń orynbasary Aqbota Nurjanqyzy.
Qylmysqa barǵan kúdіktі qamaýǵa alyndy. Polıtsııa qylmystyq іs qozǵap, sot-medıtsınalyq saraptama taǵaıyndady. Qazіr tergeý júrgіzіlіp jatyr.
Osy qylmysty jasady degen kúdіkpen ógeı ákesі ustaldy. 2004 jyly týǵan er jіgіt. Kіshkentaı balanyń anasymen suraqjaýap alý protsedýrasy júrgіzіlýde. Osy otbasy іshіnde qandaı jaǵdaı týyndaǵanyn. Bul bala qashannan berі zorlyq-zombylyq kórgenіn barlyǵyn anyqtaımyz, - deıdі Almaty PD resmı ókіlі Saltanat Ázіrbek.
Tórt jasar Hantóre qansha ýaqyttan berі jas jіgіtten taıaq jep kelgenі saraptamanyń qorytyndysynan keıіn belgіlі bolady. Ógeı adamnyń jýan judyryǵynan ólgen balany týystary búgіn jer qoınyna tapsyrdy.