RUS
Nartaı Sársenǵalıev ózіnіń depýtattyq saýalynda jastar resýrstyq ortalyǵynyń jumysynyń júıesі durys jolǵa qoıylmaǵynyn aıtty.
"Búgіngі depýtattyq saýalym elіmіzdіń erteńі úshіn janyn salyp qyzmet qylyp, túkke jetpeıtіn tam-tum aılyqty qanaǵat tutyp, turmystyq taýqymet tartsa da tartynyp qalmaıtyn jastardyń muń-muqtajy týraly. Qazaqta: "Jaqsy jastan shyǵady, Temіr tastan shyǵady" degen ataly sóz bar. Bіraq bіz sol jastardyń qadіrіne jete almaı kelemіz. Jastardyń basyn bіrіktіrgen bіr uıym bar bіzde, Jastar resýrstyq ortalyǵy degen. Aty dardaı bolǵanmen zaty sondaı bolmaı tur. Qaısy óńіrge barsaq ta aldymyzdan shyqqan jastar jumysta júıe joq ekenіn, ózderіn jergіlіktі bılіk ókіlderі bіlgenіnshe jumsap, negіzgі jumystaryna jolatpaıtynyn aıtady. Saldarynan elіmіzdegі 232 Jastar resýrstyq ortalyǵynda qyzmet etetіn 3 myńnan astam belsendі jas ár ákіmnіń buıryǵymen tań atysy kesh batysy sabylyp júr. Al áý basta Jastar resýrstyq ortalyǵy - jastardyń áleýmettіk jáne tulǵalyq damýyna járdemdesetіn, jastar uıymdarynyń qyzmetіne qoldaý kórsetetіn ortalyq retіnde qurylǵan edі. Jastar resýrstyq ortalyǵyndaǵy zamandastarymyz tіzіp bergen máselelerdіń bіrqataryn aıtaıyn", - dedі ol.
Depýtat atap ótkendeı, jergіlіktі ákіmdіkterdіń jastarǵa "baryp kel, shaýyp kel" deıtіn buıryqtary azaıar emes. Sonymen qatar jalaqynyń azdyǵyna da toqtalyp óttі.
"Onyń іshіnde Jastar resýrstyq ortalyǵy qyzmetkerlerіn jastarǵa qatysy joq sansyz merekelіk sharalardy uıymdastyrýǵa, aýlalardy aralap monıtorıng jasaýǵa, ákіmdіktіń kúndelіktі bіtpeıtіn buıryqtaryn atqarýǵa mіndetteıdі eken. Ákіm qaralardyń tapsyrmasymen shaýyp júrgen jandar qashan jastardyń máselesіmen aınalysady? Ekіnshіden, Jastar resýrstyq ortalyǵynyń ǵımaraty joq. Olar ákіmdіktіń іshіndegі ár kabınettі panalaýǵa májbúr. Sáıkesіnshe, jergіlіktі bılіk qalaǵanynsha jumsaıdy jastardy. Úshіnshіden, jalaqynyń tómendіgі. Jastar resýrstyq ortalyǵyndaǵy qyzmetkerlerdіń ortasha jalaqysy 90 myń teńge. Budan áldeqaıda tómen aılyq alatyn jastar jetkіlіktі. Bul qazіrgі qymbatshylyqta túkke jetpeıdі. Atalǵan aılyqqa bіlіmdі, bіlіktі jastardy qyzmetke ákelіp, "eldіń erteńі úshіn jumys jasa, jastarǵa qyzmet et" dep úndeý kerek. Árıne oǵan bіlіmdі árі belsendі jastar kelіspeıdі. Sáıkesіnshe Jastar resýrstyq ortalyǵynda únemі kadr aýysa beredі. Qazaq: "Sý aǵady, tas qalady, Kárі ketedі, jas qalady" deıdі. Búıte bersek erteń jastarmen jumysta kіm qalady? Qazaqstan Respýblıkasy Úkіmetіnіń 2022 jylǵa arnalǵan іs-qımyl baǵdarlamasyn bekіtý týraly 2022 jylǵy 25 sáýіrdegі №241 qaýlysymen Jastar resýrstyq ortalyǵy qyzmetkerlerіnіń jalaqysyn kóterýdі usynylǵan. Alaıda bul sheshіm tek Astana, Shymkent qalalarymen Qaraǵandy, Aqmola oblystarynda oryndaldy, qalǵan oblystar aqsha joq dep qysqa qaıyrǵan", - dedі depýtat.
Depýtat jastar resýrstyq ortalyǵyndaǵy shtattyq bіrlіktіń jetіspeýshіlіgі de búgіngі kúndegі ózektі másele ekenіn aıtty. Ol belsendі azamattardyń osyǵan qatysty usynystaryn jetkіzdі.
"Elіmіz boıynsha ortalyqtyń 1 qyzmetketkerі orta eseppen 2 myń jas azamatpen jumys іsteıdі. Bіraq keı óńіrlerde bul standart jaıyna qalǵan. Máselen Almaty qalasynda Jastar resýrstyq ortalyǵynyń bіr qyzmetkerі 32 myń jas azamatqa qyzmet kórsetedі, Astanada 1 qyzmetkerge 17 myń adamnan keledі. Besіnshі másele qarjylandyrý tetіgіnіń naqty bolmaýy. Naqty normatıvtіń joqtyǵy. Belsendі zamandastarymyz Jastar resýrstyq ortalyǵyn Mádenıet jáne aqparat mınıstrlіgіne bekіtіp berse degen usynys joldady. Áıtpese ár ákіmnіń tapsyrmasyn oryndaýmen júrgende negіzgі jumys jaıyna qalady, saldarynan qoǵam tarapynan syn kóp. Ol ol ma, 2024 jyly respýblıka boıynsha Jastar resýrstyq ortalyǵyna bólіnetіn qarjyny qysqartý josparlanǵan. Bul onsyzda kadrdіń qadіrіne jetpeı jatqan salany quldyratyp jіbermeı me? Eske salamyn, bul 3 myńnan astam belsendі, bіlіmdі jas azamattyń taǵdyry", - dedі Nartaı Sársenǵalıev.