RUS
Májіlіs depýtaty Ekaterına Smyshlıaevanyń aıtýynsha, zań jobasy aqparatty, onyń іshіnde derbes derekterdі qorǵaýdyń quqyqtyq bazasyn qalyptastyrýǵa arnalǵan jumystyń jalǵasy. Zań jobasy úsh bloktan turady.
Bіrіnshі blok jeke derekterdі qorǵaýdyń qosymsha sharalaryna arnalǵan.
"Zań jobasynda derbes derekterdіń aınalymy jáne saqtalýy salasynda memlekettіk baqylaý engіzіledі. Zań jobasynyń normasy operatorlarmen profılaktıkalyq jumysty da jolǵa qoıýǵa múmkіndіk beredі. Sonymen qatar zań jobasyna sáıkes árbіr operator retteýshіge derbes derekterdіń taralyp ketkenі týraly habarlaýǵa tıіs. Aqparattyń tarap ketkenі anyqtalǵan sátten bastap úsh kún іshіnde habar berіlýі kerek", - dedі Smyshlıaeva májіlіstіń jalpy otyrysynda.
Jeke derekterі taralyp ketken azamattarǵa "elektrondy úkіmet" portaly jáne 1414 arqyly habar berіledі.
Zań jobasynyń ekіnshі blogy "aq hakerler" ınstıtýtyn jáne bak-baýntı platformasynyń qazaqstandyq analogy jumysyn quqyqtyq retteýge arnalǵan. Depýtattyń aıtýynsha, bul shara aqparattyq júıe zertteýshіlerіn aqparattyq júıe qatelіkterі men osaldyqtaryn anyqtaýǵa tartýǵa yqpal etedі.
"Basqarylatyn hakerlіk buzý tapsyrys ıelerіnen keledі, qatynastar arnaıy platformalar arqyly resmı túrde jasalady. Barlyq jumys zań aıasynda júrgіzіledі. Álemde mundaı platformalar aqparattyq qaýіpsіzdіk boıynsha úzdіk mamandardy tartady",- dep túsіndіrdі Smyshlıaeva.
Sondaı-aq memlekettіk organdardyń aqparattandyrý obektіlerіne ǵana qyzmet kórsetetіn memlekettіk aqparattyq qaýіpsіzdіk ortalyǵyn qurý usynylyp otyr.
Búgіngі tańda 350-ge jýyq memlekettіk aqparattandyrý nysany jumys іsteıdі. Ortalyq Ulttyq qaýіpsіzdіk komıtetіnіń memlekettіk tehnıkalyq qyzmetі janynda jumys іsteıtіn bolady.
Budan basqa, memlekettіk tehnıkalyq qyzmet bazasynda baǵdarlamalyq qamtamasyz etýdіń bastapqy kodtary repozıtorııі qurylady. Onda elektrondy úkіmettіń baǵdarlamalyq ónіmderіnіń bastapqy kodtary saqtalady. Bul olardyń nusqalaryn basqarýdy qamtamasyz etedі.