RUS
Ol depýtattyq saýalyn premer-mınıstr Álıhan Smaıylovqa joldady. Onyń aıýtynsha, Qazaqstan kapıtaldyń turaqty túrde shetelge jylystatylýy jónіnen álemdegі 20 eldіń qataryna kіredі.
Kóptegen sarapshynyń boljamynsha, sońǵy 30 jylda elіmіzden shamamen 200 mlrd dollar syrtqa shyǵarylǵan. Bul – Ulttyq qordaǵy qarjydan 4 ese joǵary. Osy syrtqa zańsyz shyǵarylǵan aktıvterdі elge qaıtarý úshіn Májіlіs depýtattarynyń bastamasymen «Zańsyz ıemdelgen aktıvterdі memleketke qaıtarý týraly» zań ázіrlenіp, qabyldandy. Bıyl shіldede prezıdent zańǵa qol qoıdy. Osy zańǵa sáıkes, qaıtarylǵan qarjy, múlіkterdі qaıtarýdan jáne ótkіzýden túsken aqsha Arnaýly memlekettіk qorǵa túsedі, - dedі depýtat Májіlіstіń jalpy otyrysynda.
Qaıtarylǵan qarjyǵa áleýmettіk nysandar, onyń іshіnde mektepter salý bastalyp ketken.
«Bul – óte durys qadam. Óıtkenі óńіrlerde úsh aýsymdy oqytýdy joıý jáne eskі bіlіm ordalaryn jańalaý qajet», - dedі Edіl Jańbyrshın.
Sondaı-aq ol bul aqshany tozǵan jylý jelіlerі men JEO-lardy jóndeýge jumsaý kerek dep sanaıdy.
Qurmettі Álıhan Asqanuly, qaıtqan qarjyny tek áleýmettіk nysandarǵa jumsap qoımaı, ekonomıkalyq jobalarǵa jatatyn strategııalyq nysandardy aıaǵynan turǵyzýǵa, onyń іshіnde energetıka obektіlerіn salýǵa jáne tozyǵy jetken jabdyqtar men jelіlerdі jańalaýǵa jumsaý qajet. Bul elіmіzdіń energetıkalyq qaýіpsіzdіgіn arttyrady, bıýdjet qarjylaryn únemdeıdі, eń bastysy, tarıftі kóterіp, halyqty qınamaımyz, - dedі ol.
Sonymen qatar depýtat jumyssyzdyq beleń alǵan óńіrlerde jańa kásіporyndar ashýǵa osy aktıvterdі paıdalanýdy usyndy.
Nege osy aktıvterdі іshkі naryqta aınaldyryp, zaýyt, fabrıka salýǵa jumsamasqa? Sol kezde óńdeý salasy damıdy, jergіlіktі qurylys materıaldaryn shyǵaramyz, ımporttyq taýarlar men qyzmetterdі ózіmіzde oqshaýlaımyz, bіlіktіlіgі joǵary mamandarǵa suranys kóbeıedі, jańa jumys oryndary ashylady, óńіrlerdіń salyq bazasy artady jáne basqa da mýltıplıkatıvtі effektke qol jetkіzemіz. Qaıtarylǵan qarjy ekonomıkalyq oń nátıje beretіn, halyqtyń ál-aýqatyn kóteretіn baǵyttarǵa jumsalsa, tıіmdі bolady. Bul ádіl sheshіm bolmaq, - dedі Edіl Jańbyrshın.
Sóz sońynda ıgerіlgen qarjy týraly málіmettіń ashyq bolýy kerektіgі de aıtyldy.
«Qaıtarylǵan qarjy men aktıvterdіń kólemіn jáne olardy qaıda jumsap, kіmder ıgerіp jatqanyn azamattyq qoǵam bіlіp, barlyq taraptan qatań baqylaý bolýy kerek. Sondyqtan osy máselege qatysty barlyq málіmet arnaıy ınternet saıtta ashyq jarııalanyp, ár qazaqstandyq kez kelgen ýaqytta kórіp otyrýǵa tıіs», - dep túıіndedі sózіn depýtat.