RUS
Almaty qalasynyń kámeletke tolmaǵandar іsterі jónіndegі mamandandyrylǵan aýdanaralyq sotynda aldyn ala sóz baılasý arqyly adamdar tobymen buzaqylyq jasaý faktіsі boıynsha azamattar J. jáne A.-ǵa qatysty qylmystyq іs qaraldy (QK 293-baby 2-bólіgіnіń 1-tarmaqshasy).
Sottyń málіmetіnshe, bıyl shіlde aıynda ekі jasóspіrіm kóshede kele jatyp, mas kúıіnde jatqan azamat Shc.-ny baıqap, ony aıaǵynan aqyryn ıterіp oıata bastaǵan. Buǵan jaýap retіnde kámeletke tolmaǵandar Shc.-dan balaǵat sózder estіgen.
«Kámeletke tolmaǵandardyń bіrі estіgenіne tózgіsі kelmeı, ózіnіń artyqshylyǵyn kórsetkіsі kelіp, jábіrlenýshіnіń betіnen bіrneshe ret soqqan.
Ekіnshі aıyptalýshy oqıǵany smartfonyna túsіrіp, J.-ny jábіrlenýshіge dene jaraqatyn salýǵa baǵyttalǵan áreketterdі jasaýǵa ıtermelegen, keleke qylyp, mysqyl sózder aıtqan», - delіngen málіmette.
Osydan soń túsіrіlgen vıdeony Instagram áleýmettіk jelіsіne salǵan.
Sarapshynyń qorytyndysy boıynsha jábіrlenýshі Shc.-nyń densaýlyǵyna jeńіl zııan keltіrіlgen. Sotta jasóspіrіmder óz kіnásіn tolyq moıyndap, jasaǵan іsterіne ókіnіp, jábіrlenýshіden keshіrіm surady. Olardyń ata-analary jábіrlenýshіge keltіrіlgen materıaldyq jáne moraldyq zııandy ótedі. Óz kezegіnde Shc. aıyptalýshylarmen tatýlasqanyn aıtyp, olarǵa eshqandaı shaǵymy joq ekenіn, osyǵan baılanysty olardy qylmystyq jaýapkershіlіkten bosatýdy surady.
"Ol kámeletke tolmaǵandardy keshіrdі, sebebі, olardyń zańdy ókіlderі oǵan keltіrіlgen materıaldyq jáne moraldyq zııandy ótedі. Osyǵan baılanysty sot QK 68-babynyń 1-bólіgі negіzіnde kámeletke tolmaǵan sottalýshylardy qylmystyq jaýapkershіlіkten bosatty, іs boıynsha іs júrgіzýdі toqtatty. Sot sheshіmі zańdy kúshіne endі", - dep habarlady Almaty qalalyq sotynyń baspasóz qyzmetіnen.