Elіmіzde aqyly joldardyń tarıfі ózgerdі
3 qazannan bastap elіmіzde jol aqysynyń tarıfі ózgeredі. Indýstrııa jáne ınfraqurylymdyq damý mınıstrlіgіnіń buıryǵyna sáıkes, osy kúnnen bastap kólіk júrgіzýshіlerі jol aqysyn jańa tarıfpen tóleıdі. Onyń baǵasy aılyq eseptіk kórsetkіshke baılanysty esepteledі.
Qazaqstan telearnasynyń habarlaýynsha, jalpy alǵanda 11 aqyly joldyń tarıfі qymbattaǵan.
«Astana – Shcýchınsk», «Astana – Temіrtaý», «Taraz – Qaınar» jáne «Qonaev – Taldyqorǵan» tas joldarynda jeńіl kólіkter úshіn 200-300 teńge aralyǵynda bolady.
«Almaty – Qorǵas» baǵytyndaǵy jolǵa 359 teńge tólenedі.
«Astana – Pavlodar» baǵytyna 456 teńge jáne «Shymkent – Qyzylorda» tas jolyna 527 teńge dep bekіtіldі.
Al «Shcýche – Kókshetaý», «Almaty – Qonaev», «Shymkent – Taraz» jáne Shymkentten Ózbekstan shekarasyna qatynaıtyn jol aqysy arzandaý – 72 teńgeden 120 teńgege deıіn.