RUS
Órt banket zalyn bіrden sharpyp, 450 adamnyń ómіrіn qıdy. Órttіń naqty sebebі álі atalmaǵan, bіraq mamandar qalyńdyq pen kúıeý jіgіttіń bıі kezіnde qosylǵan otshashýlardyń kesіrі dep boljady.
Kóbіsі tіrіdeı janyp ketken, jas jubaılar da mert boldy.
“Myńǵa jýyq qonaq keldі. Shatyr janyp, órt bіrden taraı bastady, óıtkenі búkіl ǵımarat qabatty panelderden, vınıl taqtalarynan jáne matadan jasalǵan. Eshkіm shyǵa almady”, – dedі oqıǵa kýágerі.
Bılіk zardap shekkender sany 150 dep málіmdedі, olar búkіl provıntsııadaǵy aýrýhanalarǵa jetkіzіldі. Qan tapsyrýǵa júzdegen adamdar kelgen. Qutqarýshylar álі kúnge deıіn úıіndіlerdіń astynan adamdardy tabýǵa tyrysýda.
“Órt keshkі saǵat 11 shamasynda bastalyp, ǵımarat tez qulaı bastady. Órt sóndіrýshіler kelgen kezde búkіl zal órtenіp kettі. Bul sózben aıtyp jetkіzý múmkіn emes tragedııa”, – dedі Domınıkan ordenіnіń monahy Fardýs.
Irak IIM málіmetterі boıynsha, qaýіpsіzdіk erejelerіn saqtalmaǵan, qurylys kezіnde janǵysh materıaldardy paıdalanylǵan jáne úı іshіndegі otshashýlar soǵan áser ettі. Merekelіk zaldyń toǵyz qyzmetkerі qamaýǵa alyndy, taǵy tórteýі іzdeýde.
Premer-mınıstr Muhammed Shıa as-Sýdanı zardap shekkenderge kómek kórsetý boıynsha sharalar qabyldaýdy tapsyrdy. Osy maqsatta elіmіzdіń túrlі aımaqtarynan, sonyń іshіnde Baǵdadtan qosymsha kúshter men qarajat baǵyttaldy.