RUS
2020 jyly qazanda Memleket basshysy Qasym-Jomart Toqaev «Qazaqstan Respýblıkasynyń keıbіr zańnamalyq aktіlerіne sybaılas jemqorlyqqa qarsy іs-qımyl máselelerі boıynsha ózgerіster men tolyqtyrýlar engіzý týraly» Zańǵa qol qoıdy. Zań boıynsha memlekettіk qyzmetshіlerge jáne olardyń otbasy múshelerіne syılyq berýshіnіń paıdasy úshіn syılyq, materıaldyq syıaqy jáne qyzmet kórsetýge tolyq tyıym salyndy.
«Sybaılas jemqorlyqqa qarsy іs-qımyl týraly» Zańnyń 12 baby jáne «Memlekettіk qyzmet týraly" Zańnyń 50 babyna súıensek, berý sebebіne (mereke kúnderі, týǵan kún), sondaı-aq syılyqtyń túrіne, sanyna, qunyna jáne ózge de sıpattamalaryna qaramastan (mysaly, táttі, kádesyılar) kez kelgen syılyqty berýge tyıym salyndy.
Buǵan deıіn QR Oqý-aǵartý mınıstrlіgіnіń burynǵy vıtse-mınıstrі Sholpan Karınova OKQ brıfıngі kezіnde tіlshіnіń suraǵyna jaýap berіp, syılyqtarǵa resmı túrde tyıym salynǵanyn eske salǵan edі.
«Bіz bіlіm berý uıymdaryna mektep pen muǵalіmderge syılyq berýge tyıym salynǵanyn resmı túrde aıtyp, habardar ettіk. Kez kelgen syılyqqa tyıym salynady», - dedі Sholpan Karınova.
Sonymen qatar, Sybaılas jemqorlyqqa qarsy іs-qımyl agenttіgіnіń Almaty oblysy boıynsha departamentі ókіlderі muǵalіmderdі syılyq alýdan bas tartýǵa shaqyryp, ustazdar qaýymy syılyqty alǵan jaǵdaıda jazanyń qalaı bolatynyn aıtty.
«Mektep dırektory úshіn zańsyz materıaldyq syıaqy men para alý úshіn ákіmshіlіk jáne qylmystyq jaýapkershіlіk qarastyrylǵan», - delіngen habarlamada.
QR Ákіmshіlіk quqyqbuzýshylyq týraly kodekstіń 677-babyna sáıkes Ákіmshіlіk sybaılas jemqorlyq quqyq buzýshylyq úshіn jaýapkershіlіk sharasy — 600 AEK aıyppul, qylmystyq úshіn QR Qylmystyq kodekstіń 366-baby - paranyń 20 eselengen somasy mólsherіnde aıyppul salynyp, múlkі tárkіlenedі jáne 15 jylǵa deıіngі merzіmge bas bostandyǵynan aıyrylady.
Sondaı-aq, QR azamattyq kodeksіne sáıkes muǵalіmderge quny 10 AEK-ten asatyn syılyqtar berýge tyıym salynǵan. Zańbuzýshylyq tіrkelgen jaǵdaıda, QR Qylmystyq kodekstіń 247-baby boıynsha 2 myń AEK-ke deıіn aıyppul túrіndegі qylmystyq jaýapkershіlіk kózdelgen.